E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

"Babai" i Lulzim Bashës, në pazar me ministrat e Edi Ramës/ Zbulohet i radhës

20 Maj 2018, 15:34, Aktualitet CNA

Babai shpirtëror i Lulzim Bashës është Fahri Balliu. Këtë tashmë e di e gjithë Shqipëria, të gjithë e shohim, e ndjekim dhe e dëgjojmë dhe nga dashuria e madhe për “babën” e tij shpirtëror, Lulzim Basha e shpërbleu duke i vendosur djalin natyral, deputet.

Fahri Balliu është nga ata “dumBashistët”, që me flamur të madh në media, flet për mbrojtjen e PD-së dhe Lulzim Bashës e sulmon qeverinë, por nga ana tjetër një ditë e shikon në pazar me Vangjush Dakon, duke shitur Bashkinë e Durrësit, të nesërmen e kap me Niko Peleshin në Korçë, të cilin e falënderon që i bëri djalin deputet dhe i krijoi mundësinë për këtë gjë, por edhe e dëgjon duke sharë dhe sulmuar 8 vite qeverisjen e PD-së duke thënë, se s’kishte bërë asgjë për Korçën.

Më tej e shikon me Ilir Metën, duke u zhgërryer dhe u zgërdhirë. Më pas e shikon dhe me Damian Gjiknurin, ministrin e oligarkëve të Lulzim Bashës. Pra gjithçka shohim dhe dëgjojmë çdo ditë, janë aktet e babait shpirtëror të Lulzim Bashës, janë aktet e Lulzim Bashës që tregojnë pazarin e ri, atë të bashkëqeverisjes së Partisë Demokratike me Partinë Socialsite. Pra ëndrrën e filluar majin e vitit të kaluar me marrëveshjen Rama-Basha, ku u fol se në shtator do të kishte një bashkëqeverisje. Fitorja e thellë e socialistëve e la Lulzim Bashën jashtë qeverisjes. Po ashtu, në këtë takim flitet edhe për favore që Fahriu i kërkon ministrit të Ramës, si tendera etj..

Sot PD është më afër se kurrë bashkëqeverisjes me Edi Ramën dhe për këtë po përdor jo pa qëllim, luftën ndaj ministrit të Brendshëm, Fatmir Xhafaj, për të cilin vërtet ka mjaft akuza dhe është ministri që ka vëllain trafikant droge, por qëllimi në vetvete i Lulzim Bashës nuk është që të heqë Fatmir Xhafajn, por që ai të hyjë në qeveri me Edi Ramën. Këtë e tregojnë takimet e shumta që Fahri Balliu po bën me eksponentë, ministra dhe personazhe politikë të rëndësishëm të Partisë Socialiste, të cilët po luftojnë për të gjetur mundësinë që të gjendet rruga e një bashkëqeverisje të mundshme sa më të afërt të Partisë Demokratike me PS-në. Pra Socialistët dhe Edi Rama, duhet të pranojnë ofertën që Fahri Balliu u jep ministrave të qeverisë socialiste për t’ia çuar Edi Ramës, si një zgjidhje e mundshme në kohë krize.

Pra protesta e ditës së shtunë që pritet të ndodhë në Tiranë, më shumë duket një maskë e Lulzim Bashës për të shkuar në qeveri me Edi Ramën, sesa një protestë e vërtetë opozitare. Këtë e tregojnë aktet dhe veprimet e babait të tij shpirtëror Fahri Balliu, por edhe të deputetëve të tjerë demokratë, të cilët zhgërryhen dhe zgërdhihen çdo ditë në sqetullat e ministrave të korruptuar të Edi Ramës. /CNA.al

Foto-Video ekskluzive/ Fahri Balliu kapet në pazar me ministrin e Ramës

Ekskluzive/ Zbardhen detajet e bisedës së Fahri Balliut me ministrin e Edi Ramës