web counter
LEXO PA REKLAMA!

SHKARKO APP

App Store
Google Play

E fundit!

x

Xhafaj në “duart” e Krimeve të Rënda

20 Maj 2018, 08:01, Aktualitet CNA

Pas publikimit të audiopërgjimit nga Partia Demokratike, ku akuzohet vëllai i ministrit Xhafaj se është marrë më trafik droge gjatë kohës që Ministri ka qenë në detyrë, Prokuroria e Krimeve të Rënda ka nisur një procedim për akuzën e trafikut të narkotikëve, ndërsa procedimi i nisur në Prokurorinë e Tiranës në bazë të kallëzimit të Agron Xhafajt për fabrikim të fakteve dhe provave të rreme, Albert Veliu, i është kaluar për kompetencë prokurorisë së Krimeve të Rënda.

Sikurse raporton ?Sot? ky kalim ka ndodhur pasditen e së premtes, meqenëse të dyja materialet kanë persona të njëjtë, të cilët dyshohen se janë përfshirë në audio përgjim.

Prokuroria e Tiranës i ka kaluar Krimeve të Rënda edhe dëshminë e Albert Veliut, i cili përpara se të pyetej nga Krimet e Rënda kishte dhënë sqarime tek Prokuroria e Tiranës.

Në dëshminë e dhënë pranë organit të akuzës të Tiranës, Veliu i ka qëndruar faktit që audio përgjimi është i vërtetë dhe se ai kishte biseduar me Agron Xhafajn për të trafikuar hashash. Nga ana tjetër në të njëjtën dosje që i është deleguar Krimeve të Rënda, janë edhe dëshmitë e vëllait të ministrit të Brendshëm, i cili hedh poshtë në mënyrë kategorike që audio përgjimi mes tij dhe Albert Veliut të jetë i vërtetë. Madje për të provuar këtë, ai ka dorëzuar në Prokurorinë e Tiranës edhe një ekspertize teknike, të cilën e ka bërë privatisht me disa ekspertë britanike, të cilët kanë arritur në konkluzionin se zëri në audio përgjim, nuk është i Agron Xhafës.

Burime për gazetën ?Sot? bënë me dije se për sa kohë ekspertimet teknike mbi autenticitetin e audio përgjimit do të bëhen me materiale të kopjuara dhe për sa kohë autoritetet nuk do të kenë në dorë minimalisht pajisjen, e cila ka realizuar përgjimin, atëherë çdo ekspertizë teknike do të jetë thuajse e pamundur të dalë në një konkluzion të vërtetë dhe të pakontestuar.





Lajmet e fundit nga