web counter
LEXO PA REKLAMA!

SHKARKO APP

App Store
Google Play

E fundit!

x

Lotaria Amerikane/ Afati i fundit kur mund të shpalleni fitues

18 Maj 2018, 18:01, Aktualitet CNA

Duke filluar nga 15 maji i këtij viti, të gjithë ata që aplikuan për Lotarinë Amerikane mund të kontrollojnë nëse janë përzgjedhur fitues për DV-2019. Ditën e djeshme ambasada amerikane në Tiranë ka njoftuar se kandidatët fitues duhet të ndjekin të gjitha udhëzimet e së pari, të bëjnë online plotësimin e formularit DS-260. ?Urime të përzgjedhurve të programit të lotarisë DV! Ju lutemi, sigurohuni që të ndiqni të gjitha udhëzimet tona përgjatë procesit të aplikimit. Hapi juaj në vazhdim është plotësimi i formularit DS-260 online tek https://ceac.state.gov/iv/?,-theksohet në njoftim. Ndërkohë më tej ekspertët e ambasadës bëjnë me dije se aplikuesit duhet ta kontrollojnë statusin e tyre nga 15 maji 2018 deri më 30 shtator 2019. Kontrolli i Statusit të të Regjistruarit do të jetë e vetmja mënyrë informimi mbi përzgjedhjen për Lotarinë DV-2019, duke dhënë udhëzime se si aplikantët të vazhdojnë më tej me aplikimin dhe duke njoftuar mbi takimin për vizë emigrimi. Nëse kandidatët rezultojnë të përzgjedhur, duhet të vazhdojnë me plotësimin e formularit DS-260.

Për të parë nëse janë përzgjedhur, të regjistruarit e DV-2019 do të mund të përdorin numrin e tyre unik të konfirmimit të dhënë në regjistrim duke kontrolluar online Kontrollin e Statusit të të Regjistruarve në faqen zyrtare të E-DV. Kontrolli i Statusit të Regjistruarve do të informojë pjesëmarrësit e përzgjedhur se si të aplikojnë për vizën e lotarisë për veten dhe anëtarët e tyre të familjes. Departamenti, gjithashtu, do t?u konfirmojë të përzgjedhurve datat e tyre të intervistave për vizë nëpërmjet Kontrollit të Statusit të Regjistruarve. Në rastet kur fituesi gjatë plotësimit të formularit DS-260 ka probleme pasi nuk i pranohet adresa e banesës aktuale, atëherë duhet të bëjë kujdes pasi, nëse nuk pranohet del një mesazh me ngjyrë të kuqe ku tregon se cila nga shenjat pranohet e cila jo.

Intervista

Pasi Qendra Konsullore Kentucky (KÇ) të ketë njoftuar të përzgjedhurin për datën e takimit për intervistë, ai duhet të përgatisë dokumentacionin e kërkuar, të regjistrojë datën e takimit dhe t?i dërgojë dokumentet rreth dy javë përpara intervistës në Seksionin Konsullor të ambasadës amerikane në Tiranë me anë të një shërbimi postar të shpejtë.

?Ju duhet të bëni çdo përpjekje që t?i dërgoni dokumentet e mëposhtme në Seksionin Konsullor me postë të shpejtë dy javë përpara datës suaj të takimit (duke përfshirë dëftesën origjinale të shkollës së mesme dhe vërtetim notash të lëshuar kohët e fundit e të përkthyer në Anglisht, si dhe diplomën e shkollës së lartë nëse e keni mbaruar)?,-thuhet në faqen zyrtare të Ambasadës Amerikane.

Nëse fituesi nuk e ka marrë akoma Garancinë Financiare dhe taksat nga sponsori në SHBA, ai mund t?i sjellë ato së bashku me vizitën mjekësore në ditën e intervistës. Dështimi për të siguruar qoftë edhe një nga dokumentet e kërkuara më poshtë do të rezultojë në moskryerjen e intervistës në ditën e caktuar dhe vonesa të gjata. Një datë e re interviste do të caktohet vetëm pasi i përzgjedhuri për intervistë t?i ketë sjellë të gjitha dokumentet e kërkuara (nëse do të ketë numra vizash në dispozicion). Vizat në dispozicion të Lotarisë Amerikane (DV) janë subjekt i kufizimeve numerike. Aplikantët e Lotarisë, të cilët dëshirojnë të marrin vizë duhet të jenë të përgatitur që të veprojnë me shpejtësi duke i dorëzuar të gjitha dokumentet në ditën e intervistës. Nëse një aplikanti lotarie nuk i është lëshuar një vizë në muajin në të cilin atij i ishte caktuar intervista nga KÇ, vizat e vëna në dispozicion të aplikantëve të Lotarisë mund të mos jenë të garantuara për ta. Aplikantët që kërkojnë nga Seksioni Konsullor ricaktim të datës së intervistës së tyre në muaj të mëvonshëm rrezikojnë seriozisht shansin për të marrë vizë. Gjithashtu, aplikantët që paraqiten në intervistë pa i patur të gjitha dokumentet dhe formularët e kërkuar dhe që i dorëzojnë dokumentet e kërkuara në një muaj të mëvonshëm, mund të përballen me faktin që të mos ketë më numra vizash në dispozicion për ta. Numrat e vizave të Lotarisë DV për disa rajone dhe shtete mund të mbarojnë edhe më përpara afatit të fundit të Programit, pra përpara datës 30 Shtator.

Tarifa e aplikimit

?Ju do të kryeni pagesën në ditën e intervistës tek arkëtari i Seksionit Konsullor. Pagesa kryhet vetëm me para në dorë tek arkëtari i Konsullatës në dollarë amerikanë ose lekë dhe është e pakthyeshme. Duke filluar nga data 13 prill 2012, ju duhet të paguani 330 dollarë ose ekuivalentin në lekë për çdo person, pavarësisht nga mosha. Kjo pagesë kryhet vetëm tek arkëtari i Seksionit Konsullor të ambasadës amerikane në Tiranë.?-thotë ambasada amerikane.

Këto tarifa janë subjekt i një ndryshimi të mundshëm në kohë, ndaj informacioni më i përditësuar për pagesën ndodhet në faqen e Internetit (në Anglisht) të Departamentit Amerikan të Shtetit Byrosë së Çështjeve Konsullore ?Tarifat për Shërbimet e Vizave?. Pas intervistës me Oficerin Konsullor, nëse dosja është e plotë dhe aplikanti gjendet i kualifikuar, viza e tij do të lëshohet dhe do ti dërgohet së bashku me paketën e vizës me anë të shërbimit postar DHL në zyrën që fituesi ka zgjedhur kur u regjistrua për këtë shërbim. /GSH





Lajmet e fundit nga