web counter
LEXO PA REKLAMA!

SHKARKO APP

App Store
Google Play

Albert Veliu përfundon dëshminë në Prokurorinë e Krimeve të Rënda/ Detajet

18 Maj 2018, 13:58, Aktualitet CNA

Albert Veliu, i njohur ndryshe si “dëshmitari X” i audio-përgjimit të publikuar nga PD, i cili implikon vëllain e ministrit të Brendshëm Fatmir Xhafaj, në trafik narkotikësh, ka dhënë ditën e sotme dëshminë e tij pranë Prokurorisë së Krimeve të Rënda.

Mësohet se Albert Veliu, ka përfunduar së dhëni dëshminë e cila ka zgjatur rreth 5 orë dhe është larguar.

Të njëjtat burime bëjnë me dije se Veliu ka dhënë kampione nga zëri i tij, të cilat do të verifikohen për të parë nëse audio-përgjimi është autentik apo jo.

Në Prokurori ai është pyetur lidhur se si kishte rënë në kontakt me personat në audio përgjim? Kush janë personat në audio-përgjim? Pse nuk u arrit të bëhej trafikimi i lëndëve narkotike? etj.

Në dalje ai është shoqëruar nga avokati i tij.

Po ashtu, ai është pyetur edhe dje në Prokurorinë e Krimeve të Rënda, në kuadër kallëzimit të vëllait të ministrit të Brendshëm Fatmir Xhafaj. Agron Xhafaj, ka kallëzuar në prokurori 3 zyrtarët e PD-së, se audio-përgjimi i publikuar nuk ishte autentik, por i fabrikuar për t’i prishur atij imazhin. /CNA.al





Lajmet e fundit nga