web counter
LEXO PA REKLAMA!

SHKARKO APP

App Store
Google Play

E fundit!

x

Petrit Vasili zbulon objektivin e protestës së opozitës më 26 maj

18 Maj 2018, 17:48, Aktualitet CNA

Mashtrimi që kryeministri Edi Rama dhe gjithë sjellja e tij për të sfumuar skandalin e denoncuar nga opozita, lidhur me përfshirjen e vëllait të ministrit të Brendshëm Fatmir Xhafaj me trafikun ndërkombëtar të drogës, ka nxitur mbajtjen në datën 26 maj të një proteste të forcave opozitare. Pjesë e saj është edhe Lëvizja Socialiste për Integrim, nënkryetar i të cilës është Petrit Vasili, njëherësh dhe kryesues i grupit parlamentar të saj.

I qenë prezent në studion e “Report TV”, ku si temë diskutimi është “Hijet e  videodëshmisë së dëshmitarit X”, Vasili ka folur ndër të tjera edhe për protestën e datës 26 maj, duke e konsideruar këtë një kundërpërgjigje ndaj mashtrimit të kryeministrit Rama. Por Vasili ka zbuluar edhe qëllimin final të protestës, ku si objektiv është detyrimi i Edi Ramës për të shkarkuar nga detyra e ministrit të Brendshëm Fatmir Xhafajn. Një veprim ky që duhej ta kish ndërmarrë vetë Xhafaj si akt moral ndaj përfshirjes në skandal. Gjë që nuk e bëri as ai dhe as Edi Rama, i cili, përkundrazi, e mbrojti dhe vijon ta mbrojë duke sajuar lloj-lloj mashtrimesh, si ai i aktekspertizës së videopërgjimit të dëshmitarit X, tha Vasili. I cili paralajmëroi se protestat do të vijojnë deri sa Rama të detyrohet të ndërmarrë aktin e shkarkimit të ministrit Xhafaj.

“Protesta e 26 majit ka objektiva politike, qeveria duhet të pastrohet nga elementët e krimit. Do kërkojmë hesape për sistemin e drejtësisë të rënë”m tha nw ligjëratë të drejtë Vasili./CNA.al





Lajmet e fundit nga