web counter
LEXO PA REKLAMA!

SHKARKO APP

App Store
Google Play

Fatmir Xhafaj kërcënon opozitën

16 Maj 2018, 17:54, Aktualitet CNA

Ministri i Brendshëm Fatmir Xhafaj, ka dalë në një konferencë për shtyp pas akuzave të vazhdueshme prej disa ditësh të opozitës për lidhje me trafikun e drogës nëpërmjet vëllait të tij, të dënuar me vendim të formës së prerë në Itali.

Duke folur për audio-përgjimin e publikuar nga opozita, Xhafaj ka kërcënuar këtë të fundit, pasi sipas tij ai audio-përgjim është i fabrikuar dhe jo autentik.

“Është komplet mashtrim për përfshirjen e vëllait tim në trafik droge. Marr përsipër të gjitha përgjegjësitë ligjore për këtë që them. Vëllai im që nga viti 2002 ka jetuar në Shqipëri dhe nuk ka asnjë grimcë të vërtete nga këto akuza.

Opozita ka vendosur të bashkëpunojë edhe me djallin vetëm që të ikë kjo qeverisje. Ata që e kanë bërë do të përballen me ligjin. Nuk dua ta besoj që opozita e ka bërë këtë, por nëse është prej saj, ajo ka rënë në grackë të të tjerëve. I kërkoj Prokurorisë veprime të shpejta dhe energjike dhe dënimin e tyre në mënyrë të merituar”, – tha ndër të tjera Xhafaj ./CNA.al





Lajmet e fundit nga