E fundit!

09:08 Aktualitet

Krimi që ka ndodhur me protestën

Qytetarët kanë të drejtë të protestojnë, rinia, familja. K...

Lobimet ruse federale të Amerikës/ Bashës i ngushtohet laku

16 Maj 2018, 14:38, Aktualitet CNA

Ne datën 15 maj 2018 gjykatësi federal Amy Berman Jackson në Washington, rrëzoi çështjen e ish- Këshilltarit të Trump Paul Manafort, ku ky i fundit aludonte që Prokurori i posaçëm Mueller që po heton mbi ndërhyrjen Ruse në fushatën zgjedhore ka thyer kompetencat dhe caqet e hetimit duke nxjerrë të dhëna për publikun.

Në këtë mënyrë Gjykatësi Federal në një vendim të mirëshpjeguar prej 37 faqesh ka deklaruar që kompetencat e hetimit të Prokurorit Mueller për çështjen Manafort përputheshin me mandatin e tij për të hetuar këtë çështje dhe se Paul Manafort që ka qenë drejtues i fushatës elektorale të Trump nuk mund të përjashtohet nga interesi public, pasi pozicioni i tij i mëparshëm ka qenë zyrtar.

Pra Paul Manafor do të shkoj në gjyq për përfshirje të Rusisë në fushatë zgjedhore duke qenë se pak para ndërhyrjes ruse për të marrë Krimenë, Manafort së bashku me Tony Podesten kishin krijuar një kompani lobimi me qendër në Odesa të Ukrainës që ndihmonte dhe lobonte për llogari të ish-Presidentit pro-rus Yanukovich, i cili u arratis dhe gjeti strehim nga Putin në Rusi.

Pra Manafort dhe Podesta punojnë për llogari të rusëve dhe në kundërshtim me qëndrimin amerikan dhe vetë të Presidentit Obama në atë kohë për largimin e Yanukovich dhe mos aneksimin e Krimesë dhe Ukrainës lindore nga Rusia.

Dy javë pasi Manafort u thirr nga Prokurori i Posaçëm Muller në Washngton në vitin 2017, Nick Muzin një tjetër lobist amerikan me kompaninë e tij Muzin brothers, i cili kishte një kontrate lobimi për llogari të Partisë Demokratike dhe Lulzim Bashës në Shqipëri, kishte ndryshuar deklaratën e të ardhurave të tij pranë FISA në Departamentin e Drejtësise në ShBA, ku të gjithë lobistët kanë detyrim ligjor të regjistrojnë kontratat e tyre.

Nick Muzin i cili fillimisht kishte punuar si drejtues i fushatës së kandidatit republikan për President të SHBA Ted Cruz, ndryshoi deklaratën e tij dhe në ndryshim nga deklarata e parë, deklaroi dy pagesa të tjera nga ana e Partisë Demokratike të Shqipërisë nëpërmjet Biniatta Trade, të regjistruar në Edinburgh të Skocisë.

Vihet re se Biniatta Trade është një kompani guackë e përbërë nga dy kompani të vogla të regjistruara në Belize në një ishull parajsash fiskale dhe të dy kompanitë janë themeluar nga dy rus me banim në Odesa të Ukrainës.

Nick Muzin i cili e kuptoj, se hetimi për ndëryrjen ruse në zgjedhjet e SHBA mund të shtrihej edhe ndaj tij, ndryshoi deklaratat në Departamentin e Drejtësise në Amerikë.

Pas kesaj, ndaj tij FBI nisi hetimet për këtë çështje ku i përfshirë në këtë rast është edhe Lulzim Basha, i cili ka nënshkruar kontratë lobimi në emer të Partisë Demokratike me Nick Muzin.

Tani FBI po heton mbi lidhjet e kësaj kontrate lobimi me Rusinë dhe firma ruse të regjistruara në parajsa fiskale.

A mundet që te jetë po Podesta, e cila ka qenë firma lobuese per PD shumë vite ,që ta kenë drejtuar Lulzim Bashën, që lobimin me Administratën e Presidentit Trump ta bëjë me Nick Muzin dhe nëpërmjet kompanive guacke ruse dhe nga Odesa të kryejë trasfertat?

Fakti që Manafort ish- shefi i fushatës së Trump tashmë po shkon para gjyqit, për llogaridhënie në lidhje me lidhjet e tij të mëparshme sëbashku me Tony Podestën me rusë dhe në kundërshtim me sanksionet amerikane ndaj Rusisë dhe Ukrainës Lindore, tregon që shumë shpejt edhe Nick Muzin lobisti i Lulzim Bashës dhe kontrata e tij lobuese do t?i kalojë Gjykatës federale në Amerikë, pavarësisht se Nick Muzin është rrëfyer para hetueseve në lidhje me kontratën lobuese me PD të nënshkruar nga Lulzim Basha.

https://www.washingtonpost.com/local/public-safety/us-judge-refuses-to-dismiss-paul-manafort-charges-in-dc-clearing-way-for-trial/2018/05/15/7d227f34-5883-11e8-b656-a5f8c2a9295d_story.html?utm_term=.8b9519f1f0bf