web counter
LEXO PA REKLAMA!

SHKARKO APP

App Store
Google Play

Shpërthen avokati i njohur/ Tregon kush qëndron pas ministrit Xhafaj

15 Maj 2018, 14:22, Aktualitet CNA

Avokati Spartak Ngjela, teksa vijon komentet e tij për aktualitetin politik të ditëve të fundit, ka treguar arsyen pse ministri i Brendshëm Fatmir Xhafaj, nuk jep dorëheqjen, pas akuzave të PD për vëllain e tij.

Në një postim në rrjetet sociale, Ngjela shkruan se Xhafaj nuk do prishë marrëveshjen me amerikanët të cilët kërkojnë rezultate konkrete për antikorrupsionin në nivelin e lartë.

Postimi i plotë:

Të korruptuar të lartë të Shqipërisë!
Po lodheni kot se është e pamundur që me një logjikë fëminore të mund të bindini politikën amerikane.

Sot i gjithë korrupsioni kryeministror shqiptar: edhe ky Rama edhe ai Berisha shihet se janë hedhur në sulm kundër ministrit të Brendshëm Xhafaj.
Po pse?
Sepse atë e mbështet Uashingtoni në luftë kundër korrupsionit shqiptar aktual.
Po mirë: nuk e kuptojnë këta fakirë të kapur në abuzim se këtë gjë e kuptojnë edhe amerikanët?
Po mirë: Pse, ministri Xhafaj do prishë marrëveshjen me politikën e lartë amerikanë kundër korrupsionit shqiptar, për “mustaqet e Çelos”?

Asgjë… ai është ministri anti korrupsion i aleatit të madh të Shqipërisë. Po nuk besoj se mund të bindet politika amerikane nga psherëtimat dëshpëruese të korrupsionit të lartë shqiptar, kur të gjithë këtë korrupsion, individualisht, ai e ka tashmë të skeduar në analet e tij në Uashington.

Kjo është një komedi… hajdutët në Tiranë po bërtasin me thirrmë çjerrëse : “kapni hajdutin”. Kurse amerikanët kam përshtypjen se po qeshin.
Po pse po qeshin?
Do të vijë koha të shpjegohet edhe kjo…. /CNA.al





Lajmet e fundit nga