Grushta tavolinës dhe me zë të lartë/ Përplasja Tahiri-Hajdarmataj “shkund” Krimet e Rënda

15 Maj 2018, 12:27, Aktualitet CNA

Batutat në seancën e vlerësimit të masës ndaj ish-Ministrit të Brendshëm, Saimir Tahiri tek Krimet e Rënda.

Duke përdorur gjuhën juridike, pasi Tahiri është diplomuar në jurisprudencë, ai s?ka lënë pas batutat ndaj prokurorit Besim Hajdarmataj si dhe gjykatës.

Me tone të larta, ai ka bërë argumentim juridik të provave, mbi të cilat Prokuroria dhe Gjykata vendosën ta lënë me ?arrest shtepie?.

I ndjerë në pozita jo vetëm të përsonit në hetim, Tahiri kërkoi ndjesë për tonin e lartë me të cilin iu drejtuar gjykatës.

Ai e justifikoi tonin e tij të lartë dhe goditjet e herë pas hershme me grushta tavolinës, si ?temperaturë të lartë argumenti dhe jo trupore.

?Ndjesë për tonin, por ju siguroj që është temperaturë argumenti dhe jo trupore?, ka thënë ish-Ministri i Brendshëm.

Akuzave se ai ka favorizuar dhe ndërmjetësuar në trafikun e lëndëve narkotike me grupin Habilajve, Tahiri i është përgjigjur sërish me batutë prokurorit të çështjes.

Sipas tij, prokurorët s?kanë asnjë provë të argumentuar dhe i vetmi fakt, ku po hetojnë janë pushimet familjare.

?Po jemi grup i strukturuar miqësor që kalojmë pushimet dhe jo grup i strukturuar kriminal?, ka thënë Tahiri.

Pas tij, radhën për të folur e ka patur akuza. Besim Hajdarmataj i është kundërpërgjigjur Tahirit, duke e kthyer argumentin në provë e provën në batutë.

Një nga provat e reja të administruara nga gjykata në fashikujt e kësaj dosje ka qenë praktika e ndjekur për emërimin transferimin dhe shkarkimin e ish-drejtorit të postës në Dhërmi, që sipas prokurorit Hajdarmataj ka qëndruar në atë detyrë më shumë se ai vetë.

?Drejtori i postës në Dhërmi ka qëndruar në atë postë më shumë se unë në këtë detyrë?, ka thënë Hajdarmataj.

Më tej prokurori ka deklaruar se shumë persona që po pyeten, pritet të merren të pandehur duke zgjeruar rrethin e të hetuarve në këtë dosje.

Një tjeter batutë e menjëhershme do të ishte edhe ajo për thirrjen e dëshmitarëve, që sipas prokurorit, si ish-ministër, Tahiri duhet ta dijë mirë se kush e ka radhën për tu pyetur.

?Ish-ministri e di një ditë para, se kush do pyetet në prokurori?, ka thënë Hajdarmartajt./CNA.al