web counter
LEXO PA REKLAMA!

SHKARKO APP

App Store
Google Play

Rivlerësohet masa e sigurisë për Tahirin/ Gjykata kërkon arrest...

12 Maj 2018, 16:53, Aktualitet CNA

Gjykata për Krimet e Rënda ka rivlerësuar masën e sigurisë për ish-ministrin e Brendshëm, Saimir Tahiri, duke vendosur ?arrest shtëpie?.

Prokuroria për Krimet e Rënda kishte kërkuar masën e sigurisë ?arrest me burg? për ish-ministrit Saimir Tahiri, por kërkesa është pranuar pjesërisht nga gjykata e cila ka vendosur ?arrest shtëpie?.

“Gjykata e Shkallës së Parë për Krime të Rënda Tiranë pranoi caktimin e masës së sigurimit personal ?Arrest në shtëpi?, ndaj shtetasit nën hetim Saimir Bashkim Tahiri, i datëlindjes 30.10.1979, si person i dyshuar për kryerje të veprave penale ?Trafikimi i narkotikëve?, në bashkëpunim, në formën e grupit të strukturuar kriminal, e parashikuar në nenet 283/a dhe 333/a, në lidhje me nenin 28 të Kodit Penal dhe, ?Korrupsioni pasiv i funksionarëve të lartë shtetërorë ose i të zgjedhurve vendorë?, e parashikuar në nenin 260 të Kodit Penal.

Urdhërohet shtetasi nën hetim Saimir Bashkim Tahiri të mos largohet nga banesa e tij, ndodhur në Tiranë, Rruga ?Kodra e Diellit?, Pallati Nr.3”-thuhet në vendimin e gjykatës.

Ky veprim vjen pasi Komisioni i Qendror i Zgjedhjeve pranoi dorëheqjen e Tahirit, duke konstatuar përfundimin e mandatit të deputetit.

Kujtojmë këtu që ish-ministri Saimir Tahiri u përfshi në skandalin e përgjimeve të trafikantëve ?Habilaj? kushërinj të tij të largët, të cilëve iu kishte shitur edhe makinën. Në përgjimet e Prokurorisë së Katanias trafikantët e përmendnin si personi me të cilin ndanin fitime.





Lajmet e fundit nga