web counter
LEXO PA REKLAMA!

SHKARKO APP

App Store
Google Play

E fundit!

x

Anëtari i Këshillit Kombëtar kritika të forta Bashës: PD, “kambalec” i kryeministrit Rama

12 Maj 2018, 13:51, Aktualitet CNA

Anëtari i Këshillit Kombëtar të Partisë Demokratike, Edvin Kulluri ka hedhur kritika të forta në drejtim të kreut aktual të PD, Lulzim Basha.

Në një intervistë për gazetën ?Standard?, Kulluri u shpreh se marrëveshja e 18 majit mes Bashës dhe kryeministrit Rama, ?është një marrëveshje private. Përsa kohë një marrëveshje bëhet pa dëshmitarë, nuk është një  marrëveshje në interesin publik, por është në interesin privat.?

Gjithashtu ai theksoi se, ? ajo është marrëveshje biznesi a është marrëveshje për të mbajtur njëri -tjetrin në krye të Republikës së re, këtë do ta tregojë historia. Por ne jemi të qartë  që ajo marrëveshje është një tradhëti e dytë e madhe e z. Basha ndaj demokratëve.?

Ndër të tjera, Kulluri tha se Basha e drejton partinë në mënyrë krejtësisht personale. ?Partia Demokratike është aset kombëtar, publik dhe ?themeluesja? që ka aspekti i djathtë në Shqipëri, çka  e mban demokracinë dhe sistemin në balancë, rotacion dhe alternative,  që për fat të keq sot i mungon kësaj  qeverisje të Edvin Kristaq Ramës, totalisht të dështuar dhe të demaskuar edhe ndërkombëtarisht, nga zhvillimet  e fundit?.-deklaroi Kulluri.

Përsa i përket lobimit të Bashës në Gjermani në kuadër të çeljes së negociatave, Kulluri, e shikon si një përfaqësi të qeverisë, pra në vend të Ministrit të Jashtëm, Ditmir Bushati. Me këtë shprehje, Kulluri i mëshon edhe njëherë faktit se këmi të bëjmë me një marrëveshje Rama-Basha, e cila e ka kthyer Partinë Demokratike dhe kreun e saj në një ?kambalec? të kryeministrit Rama.

Në fund, Kulluri foli edhe për çështjet ?skandal? të muajve dhe ditëve të fundit, siç janë dy ministrat e Brendshëm, pasardhës të njëri-tjetrit, të cilët akuzohen tërthorazi dhe drejtpërdrejt për bashkëpunim me bandat kriminale dhe shkelje të hapur të ligjit. Për sistemin e  Drejtësisë, Kulluri theksoi se është në një kolaps, madje, e pershkroi situatën e krijuar në vend, situatë të jashtëzakonshme./ CNA.al





Lajmet e fundit nga