web counter
LEXO PA REKLAMA!

SHKARKO APP

App Store
Google Play

Zbulohet një laborator droge/ Sekuestrohet gomonia 12 metra e gjatë

10 Maj 2018, 09:14, Kronika CNA

Policia e Fierit ka bërë të mundur zbulimin enjë laboratori në ndërtim e sipër, i cili dyshohej se do të përdorej për kultivim të bimëve narkotike.

Gjatë këtij operacioni është sekuestruar edhe një mjet lundrues me gjatësi rreth 12 metra, i dyshuar për transport droge.

Policia bën të ditur se laboratori është gjetur në fshatin Mbrostar, Fier, në tokat në pronësi të shtetasit Vladimir Çilotaj (Shpërdheja), 50 vjeç, banues në Patos.

Policia po punon për identifikimin dhe kapjen e pronarit të mjetit lundrues si dhe për arrestimin e pronarit të magazinës, shtetasit Vladimir Çilotaj.

Deklarata e policisë:

Policia zbulon një laborator në ndërtim e sipër, i cili dyshohet se do të përdorej për kultivim të bimëve narkotike.

Sekuestrohet një mjet lundrues me gjatësi rreth 12 metra, i dyshuar për transport lëndësh narkotike.

Në zbatim të planit të masave për kontrollin e territorit me qëllim goditjen e fenomentit të kultivimit të bimëve narkotike si edhe në bazë të informacioneve të mara në rrugë operative, në fshatin Mbrostar, Fier, në tokat në pronësi të shtetasit Vladimir Çilotaj (Shpërdheja), 50 vjeç, banues në Patos, u konstatua një laborator i dyshuar për kultivim të bimëve narkotike.

Magazina ka një sipërfaqe prej 480 metra katror dhe brenda saj ishte montuar laboratori me një sipërfaqe prej rreth 300 metra katror.

Në vijimësi të kontrolleve të ushtruara, në afërsi të fshatit Seman u gjet një mjet lundrues 12 metra i gjatë me 2 motorrë nga 250 KF.

Policia po punon për identifikimin dhe kapjen e pronarit të mjetit lundrues.

Grupi hetimor po punon për ndalimin e pronarit të magazinës, shtetasit Vladimir Çilotaj (Shpërdheja) dhe zbardhjen e plotë të rrethanave të ngjarjes apo personave të tjerë të implikuar.





Lajmet e fundit nga