web counter
LEXO PA REKLAMA!

SHKARKO APP

I dënuar për krimin monstruoz/ Kush është shqiptari që arratis nga burgu në Greqi

10 Maj 2018, 07:03, Kronika CNA

Të tjera detaje zbulohen pas arratisjes së katër të dënuarve shqiptarë mbrëmjen e kaluar në portin e Pireut.

Mësohet se teksa po transportoheshin nga Athina për në Kretë,  4 të burgosurit shqiptarë kanë arritur të hapin prangat dhe kanë ikur me vrap nga porti, ndërsa pritej të nisej trageti për Hania.

Katër shqiptarët e arratisur janë Xhuliano Halili, i dënuar me burgim të përjetshëm si dhe shqiptarët e tjerë Alfons Doçi, Robert Xhimaj dhe Petris Luçi të dënuar me 25 vjet burg për trafik droge.

Policia greke ka arritur të kapë dy shqiptarët Robert Xhimaj dhe Petris Luçi, ndërsa vijon kërkimet për kapjen e Xhuljano Halilit dhe Alfons Doçit.

Por kush është kush është Xhuliano Halili?

Xhuliano Halili është dënuar me purgim të përjetshëm, pasi në 29 nëntor 2011 ka vrarë Filip (Fillim) Mesaja 35 vjeç dhe djalin e tij Olgertin vetëm 3 vjeç nga fshati Caj i Kukësit.

Vrasja u porosit atëherë nga Vasili Varela për prishje pazaresh në trafikun e drogës. Varela është një kriminel i njohur në Greqi.

Gjatë kohës që ka ndodhur arratisja ka pasur edhe të shtëna me armë zjarri në garazhin e portit. Dyshohet se 4 shqiptarët i priste një furgon në hyrje të portit dhe mendohet se plani ka qenë i mirëorganizuar.





Lajmet e fundit nga