E fundit!

20:52 Aktualitet

FOTOLAJM/ 47 ditë proteste, qytetarët me pankarta "pikante"

Mijëra qytetarë janë grumbulluar edhe këtë të enjte për pr...

Quiz politik/ Kush është James gjenerali i Bashës, që ka "luftuar" në Afganistan?

5 Maj 2018, 09:04, Aktualitet CNA

Luli, Aurela, Kunati dhe shumë i dashuri vjehrri Xhafë, kanë një nderim të pakufi për heronjtë, trimat, betejat dhe sidomos për gjeneralët e famshëm duke filluar nga Aleksandri i Madh deri tek James, deputeti i listës së tij.

James nuk është një trill, por është emri i krishterë, amerikanizimi i atij muslimanu tipik që i kanë vënë prindërit në zonat e thella të verilindjes.

James ka bërë karrierë në Ushtrinë Shqiptare në mënyrë shumë origjinale. Lindur e rritur në një familje të lidhur ngushtë me Partinë e Punës për t?i ikur skamjes dhe varfërisë, mori një bursë në Akademinë Ushtarake “Skënderbej”. Pastaj, nuk e ktheu më kokën pas.

U kap pas gjitha virtyteve të shoqërisë sonë dhe bëri përpjetë. Qerasja ishte moto e jetës së tij. Me këtë parim nga toger u bë gjeneral. Luan Hajdaraga e njeh shumë mirë dhe ka kujtime prej tij, kur e çoi ca kohë me punë në Turqi. Pastaj ia gjeti zemrën edhe Arben Imamit, madje i zuri edhe karrigen në Parlament.

Imami e Kulluri mendonin se e kishin një ndjekës të madh në seancat filozofike me temë Lokun, por James kishte plane të tjera. U shërbente me zell, por po me kaq zell i shërbente vetes. Në privatizime repartesh ushtarake, terrene sportive të ushtrisë veproi me racionalizëm dhe shpejtësi pa harrur kurrë qerasjet e duhura për eprorët.

Imami i dashuruar shumë pas James e ngjiti lart e më lart. Betejat me të mëdha James i ka kryer në Afganistan sipas Wikiliksit. Në kabllogramet e Ambasadës Amerikane thuhet se çdo ushtari që shkonte në ato thatësira për të luftuar për lirinë i merrte 5000 euro të thata për ta përzgjedhur. Liria ka çmim dhe kushdo që lufton për të duhet të paguajë. Duhen sakrifica për lirinë dhe James ua dha këtë mundësi.

Nuk mund të shkonin kuturu ushtarakët në Afganistan pa u testuar në dëshirën e tyre të zjarrtë për të luftuar talebanët. James këtë punë e bëri me dinjitet dhe u dha të rinjve mundësinë të vihen në provë. Ambasada e SHBA-ve u ndje pak keq.

Ky është momenti kur vjehrri Xhafë, i cili në organet e sigurimit të shtetit ka luftuar gjithë jetën imperalizmin amerikan u emocionua pa masë dhe ngarkoi kunatin të vendoste kontakte me të.

Kur Berisha Kryeministër në detyrë vendosi që Shqup të bëhej Seli e PD…James kundërshtoi si nostalgjik i ushtrisë popullore, por edhe pritje të begenisjes nga Kryeministri që priste të merrte detyrën. Por PD nuk mban inat është parti e hapur sidomos për gjeneralët e lavdishëm.

Gjatë çadrës, kur Luli i shkatërroi gjithë armiqtë perëndimorë James u shfaq për t?i ndenjur në krah në atë betejë për jetë a vdekje. Ishin ditë emocionuese kur James dhe Kunati rrinin gjithë ditën bashkë.

James kollitej nga të ftohurat e Pranverës dhe Kunati i rrinte pranë derisa u shërua me barerat e çadrës. I dashuri Vjehrri Xhafë dhe Kunati tek James kishin gjetur idealin e Republikës së Re dhe Gjeneralin e betejave heroike. James është njeri tolerant. Në mëngjes thotë një gjë, në drekë kur i thonë e kishe gabim e ndryshon përsëri. Për Lulin ai është gati të bëjë çdo betejë, por ama për Kunatin le kokën.

Të dashur lexues e gjeni dot kush është gjenerali madhështor i cili pas Aleksandrit Napoleonit dhe Zhukovit i ka dhënë nder uniformës si askush tjetër?