web counter
LEXO PA REKLAMA!

SHKARKO APP

App Store
Google Play

Largimi i militantëve shqetëson LSI/ Kryemadhin e lëshojnë nervat

5 Maj 2018, 08:38, Aktualitet CNA

Problemet e kohëve të fundit që kanë kapluar Lëvizjen Socialiste për Integrim kanë ndikuar që kreu i kësaj force, Monika Kryemadhi, të mbledhë Komitetin Drejtues Kombëtar.

Por, ndonëse pritej që gjatë kësaj mbledhjeje të diskutoheshin problemet në parti, kreu i LSI, Monika Kryemadhi e zhvendosi vëmendjen tek çështja Tahiri.

Më tej, Kryemadhi u ndal pak edhe tek problemet e largimeve të militantëve ku tha se këta të fundit janë larguar për shkak të presioneve politike.

?Si rezultat i angazhimeve tuaja por edhe si rezultat i përpjekjeve apo dhe i gjithë presioneve që ushtrohen ndaj jush për ata që kanë qenë qoftë të punësuar apo qoftë anëtarët më aktiv të LSI-së për t?i intimiduar, për t?i kërcënuar apo edhe për t?i tjetërsuar duke pasur parasysh që problematikat që ka sot qeveria apo dhe mazhoranca në parlament mendon që vetëm duke i intimiduar njerëzit apo duke i kërcënuar ata mund të kalojnë problematikat që kanë.

Dje dhe sot vëmendja e publikut ka qenë e fokusuar tek ish-ministri i Brendshëm, shkruan gazeta Sot.

Sepse ai dhe ish-shefi i tij tashmë janë jo vetëm peng i njëri tjetrit, por dhe peng i krimit të organizuar. Ajo çka dua të theksoj dhe të përmend është që shpesh dëgjojmë batuta të Ramës dhe të suflerëve të tij të cilët akuzojnë dhe intimidojnë jo vetëm LSI dhe drejtues të LSI, por ushtrojnë dhe përdorin segmente të shtetit, policisë dhe prokurorisë ndaj drejtuesve të LSI-së?, u shpreh ajo.

 

 





Lajmet e fundit nga