web counter
LEXO PA REKLAMA!

SHKARKO APP

App Store
Google Play

E fundit!

x

Atentat me gjashtë plumba shqiptarit në mes të Athinës (Foto)

4 Maj 2018, 20:40, Aktualitet CNA

Një shqiptar është plagosur me armë zjarri këtë të premte në Athinë. Sipas raportimeve të medieve greke, ai është 38 vjeç dhe pa precedentë të mëparshëm penalë në shtetin helen, por identiteti nuk bëhet i ditur nga mediat greke. 38-vjeçari raportohet se ndodhet jashtë rrezikut për jetën.

Ngjarja është shënuar në një berberanë në qendër të Athinës në sheshin Viktorian (Rruga Heyden 8) pak pas orës 13.

E njëjta media raporton se me profesion shqiptari është hidraulik. Është i martuar dhe bashkëshortja e tij jeton në Shqipëri. 38-vjeçari ka edhe shtetësi greke, e marrë në vitin 2016.

Në një dëshmi të dhënë për hetuesit pas ngjarjes, shqiptari citohet të ketë thënë: ?Isha me një mikun tim në sheshin Viktoria dhe pimë kafe, shumë afër shtëpisë sime, kur mbaruam i thashë mikut të largohej sepse, kisha dëshirë të shkoja në sallon. Unë zakonisht shkoi tek ai në rrugën Heyden. Kështu, paguam kafet dhe u larguam. Sapo u futa në sallon dhe u ula në karrige, në një fraksion sekonde pashë një njeri që hapi derën, ndërsa jashtë dyqanit po priste një tjetër, në një makinë. Të dy me fytyrë të mbuluar. Personi që u fut brenda, pashë që mbante një armë dhe nisi të qëllonte te këmbët e mia. Menjëherë pas kësaj, doli nga dyqani, hipi në makinë dhe u largua?.





Lajmet e fundit nga