web counter
LEXO PA REKLAMA!

SHKARKO APP

App Store
Google Play

Kosova me Forcë të Armatosur?/ Ja si përgjigjet NATO

4 Maj 2018, 18:18, Aktualitet CNA

Në një përgjigje për radion “Evropa e Lirë”, NATO ka thënë se mbështet zhvillimin e Forcës së Sigurisë së Kosovës(FSK) brenda mandatit që është krijuar për këtë forcë, ndërkohë që transformimin e saj në Forca të Armatosura, e konsideron si: është çështje të brendshme e institucioneve të Kosovës.

?Struktura, mandati dhe misioni i Forcës së Sigurisë së Kosovës, nuk vendosen nga NATO. Kjo është çështje e brendshme e institucioneve të Kosovës?, thuhet në përgjigjen e NATO-s nga Brukseli dhënë Radios Evropa e Lirë.

?NATO mbështet zhvillimin e FSK-së brenda mandatit që ka. Nëse mandati i FSK-së ndryshon, Këshilli Veri-Atlantik, do të duhej të rishqyrtonte nivelin e angazhimit të NATO-s?, theksohet në përgjigje.

Sipas Kushtetutës së Kosovës, krijimi Forcave të Armatosura mund të bëhet vetëm me ndryshime kushtetuese që bëhet nga dy të tretat e votave të Kuvendit të Kosovës duke përfshirë edhe dy të tretat e votave nga deputetët që përfaqësojnë komitetet pakicë në Kuvend.

Ky transformim është kundërshtuar kategorikisht nga përfaqësuesit e Listës Serbe, çka e ka komplikuar gjithë procesin e transformimit.

Në vitin 2017 Kosova ka marr një iniciativë për ta krijuar ushtrinë vetëm me ligj dhe pa ndryshime kushtetuese, por kishte hasur në kundërshtime të ashpra nga SHBA dhe NATO. /Rel/





Lajmet e fundit nga