Zbulohet mashtrimi i drejtorit të Zyrës Arsimore Lezhë

5 Maj 2018, 07:13, Aktualitet CNA

Ish-deputeti socialist, Eduart Ndocaj, ka adresuar akuza të forta ndaj drejtorit të Drejtorisë Arsimore të qarkut të Lezhës, Bardhok Pulaj.

Në një postim në rrjetet sociale, Ndocaj shkruan se prej disa vitesh nxënësit e shkollës 9-vjeçare në Orosh zhvillojnë mësimin në errësirë, pasi nuk është pajisur me ndriçim.

Ndocaj shkruan se ia ka shprehur këtë shqetësim Pulaj-t, prej vitesh, por nga ai ka marrë vetëm premtime boshe, ndërsa ka theksuar se ky I fundit mbështetet nga ministrja Nikolla.

Së fundmi Ndocaj nuk ka kursyer dhe sulmet kundrejt kryeministrit Rama ku e ka quajtur këtë të fundit bandit.

Postimi i plotë:

Pse mashtron drejtor PULA ?

Te mashtroj një elektricist fshati nuk perben lajm. Mirëpo kur ndigjon Drejtorin e (Drejtoris Arsimore ) për Qarkun e Lezhes Bardhok Pulaj, te vjen vertet neveri.

Ky kryemashtrues i korruptuar i arsimit merr guximin te justifikohet duke mashtruar Ambasadoren Vllahutin dhe Ministrin e Brendshem Xhafa duke interpretuar rolin e te padijshmit mbi situaten e Shkolles 9-vjecare ne Orosh. Kjo shkolle e parë e Mirdites është pa drita prej dekadash. Aty vazhdon të perdoret qiriu për ndriçim si dikur shkollat e Ndrec Ndue Gjokes.

Personalisht kur jam informuar për erresirën e mesim-dhënies kam kontaktuar te ‘padijshmin’ Bardhok dhe si deputet i Qarkut i kam kerkuar te ndërhynte per zgjidhjen e problemit ne shkollen e Oroshit dhe kam marr premtimin se do të ndërhynte. Por vitet kalonin dhe premtimi i te ‘padajshmit’ drejtor PULES nuk realizohej. Takimi yne i fundit ka ndodhur me dt 3 Shtator 2017 në Orosh, ku i ftuar nga meshtari i zones Dom Genc Qupi mora pjese ne meshen e pare te Ipeshkvit Gjergj Meta.

Ishte mesha e parë që edhe ish Abacia e famshme do ndriçohej falë gjeneratorit që i dhurova Kishes . Pas mbarimit te meshës e kam takur mashtruesin Bardhok dhe duke i treguar shkollen i kam ripërseritur kërkesen për ndriçimin e shkolles ne errësir, biles i kam ofruar edhe mbështetjen time për të kontribuar. Edhe në ate takim i padijshmi PULA më ka siguruar se shumë shpejt shkolla do ndriçohej .

Muajt kaluan dhe ja sot paturpsisht ky mashtrues më tager DREJTOR ARSIMI mashtroj përseri dhe premtoj se për 1 jave do ndërhynte per ta pajisur shkollen me drita. Përgezoj meshtarin kurajoz Dom Genc Qupi që e ngrite edhe njëherë shqetsimin e nxënesve të Oroshit të cilet po e mbarojne edhe ketë vit shkollor në errësir. Si mirditor dhe prind me vjen keq kur vërej se si një ministre E KORRUPTUAR dhe një drejtor mirditor I KORRUPTUAR genjejne publikun dhe autoritet diplomatike europiane duke ju shmangur pergjegjsive. Po pse të mos mashtroj drejtor Bardhoku kur ketë avaz e kryen perdite kryekriministri BANDIT .

Paturpsia e rilindasve te arsimit nuk ka limit. Shkolla pa drita vetem një drejtor si Bardhoku mund ti lej ne terr. Java premtuese kalon shpejt dhe unë do ta ndjek kete problem tani që i ‘padijshmi’ i arsimit u ‘informua’ publikisht. EDUART NDOCAJ /CNA.al