Tentoi të vjedhë minimarketin/ Policia i bën "gjëmën" hajdutit

29 Prill 2018, 16:59, Aktualitet CNA

Një 39-vjeçar ka rënë në prangat e policisë, pasi ka tentuar të vjedhë me thyerje një minimarket në Burrel.

Sipas të dhënave nga policia, bëhet fjalë për shtetasin me iniciale I.D. 39 vjeç.

Ai është arrestuar në momentin kur ka tentuar të vjedhë i maskuar minimarketin. 39-vjeçari akuzohet për 5 vjedhje të tjera.

Njoftimi i plotë i policisë:

Tenton të vjedhë me thyerje një mini market, por falë ndërhyrjes në kohë të policisë arrestohet në flagrancë 39 vjeçari.

Zbardhen dhe dokumentohen me prova ligjore edhe 5 vjedhje të kryera më parë po nga ky shtetas

Nga Specialistët për Hetimin e Krimit në Komisariatin e Policisë Mat, u arrestua në flagrancë shtetasi :

Ismail Dishuka, 39 vjeç, banues në Burrel. (i dënuar më parë për vjedhje).

Arrestimi i tij u bë pasi, rreth orës 03.00, të datës 29.04.2018, shtetasi i lartëpërmendur është konstatuar nga patrulla e policisë me maskë në fytyrë, me doreza dhe një levë duke tentuar të hapë dyqanin mini-market në pronësi të shtetasit A.M, 46 vjeç.

Ndërhyrja e mënjëherëshme e Policisë , bëri të mundur kapjen dhe arrestimin në flagrancë të 39 vjeçarit I.D.

Në cilësinë e provës materiale u sekuestruan :

Një palë doreza, një levë dhe një maskë, të përdorura nga autori.

Si rezultat i veprimeve hetimore të kryera nga policia, bazuar edhe në provat e siguruara , dyshohet se ky shtetas është autor edhe i disa vjedhjeve të kryera më parë në qytetin e Burrelit dhe konkretisht :

– Më datë 21. 02. 2018, ka vjedhur një lopë në pronësi të shtetasit V.K, dhe një lopë të shtetasit A.K.

– Më datën 01. 04. 2018, ka vjedhur lokalin Bar?Cafe në pronësi të shtetasit A.M, dhe dyqanin me artikuj të ndryshëm në pronësi të shtetasit Sh.D.

– Si dhe më datë 24. 04. 2018, ka vjedhur dyqanin me artikuj të ndryshëm në pronësi të shtetasit Xh.L.

Nga ana e Policisë së Komisariatit Mat, po punohet në mënyrë intensive për identifikimin dhe zbulimin e autorëve të tjerë që kanë ndihmuar të arrestuarin dhe që janë të implikuar në këto ngjarje.

Materialet proceduriale do ti referohen Prokurorisë Rrethit Gjyqësor Mat për veprën penale “Vjedhje e kryer në bashkëpunin e mbetur në tentativë” , parashikuar nga nenet 134/2, 22 të Kodit Penal. /CNA.al