E fundit!

07:10 Sociale

Reshje shiu afatshkurtra dhe të dobëta/ Moti për ditën e sotme

Ditën e sotme kushte atmosferike kryesisht të qëndrueshme....

Macron nuk mbështet zgjerimin/ Bushati: Shqipëria i kupton problemet e BE, por...

27 Prill 2018, 19:39, Aktualitet CNA

Ministri për Europën dhe Punët e Jashtme, Ditmir Bushati, është shprehur se Shqipëria është e vetëdijshme për ?lodhjen e europianizimit?, po kjo gjë nuk e pengon aspak vendin tonë, në rrugën integruese.

I pyetur nga Euractiv nëse ishte shqetësuar nga deklaratat e Presidentit francez Macron, i cili u shpreh jo në favor të zgjerimit të BE, Bushati bëri të qartë se Shqipëria i kuptoi problemet e bllokut, por donte të fillonte negociatat e pranimit për t?u ankoruar më mirë me BE.

Ai tha se Shqipëria e sheh qartë ndarjen midis pjesës veriore dhe jugore të Evropës, e cila, sipas fjalëve të tij, bazohet në nivelet e zhvillimit ekonomik dhe në një ndarje lindje-perëndim të bazuar në vlera. ?Ka edhe lodhje në Evropë?, tha Bushati, duke kujtuar se më parë termi i përdorur ishte lodhja e zgjerimit, raporton Vizionplus.

Lodhja e Evropës, tha ai, ishte i lidhur me shtyrjen e ligjeve në disa shtete anëtare. Bushati shtoi se e kuptoi se procesi do të zgjasë më shumë dhe që rrjedhimisht ishte e rëndësishme të kishte kuadrin strategjik të bisedimeve të pranimit në BE.

Duke ju rikthyer deklaratave të Macron, kreu i diplomacisë shqiptare nënvizoi se ajo nuk është parë si domosdoshmëri përjashtuese për Ballkanin Perëndimor, për t?iu bashkuar BE.

Ndërsa këmbënguli se Shqipëria ka të gjithë potencialin për të arritur Malin e Zi dhe Serbinë, të cilat janë një hap përpara në procesin e integrimit.

Ministri Bushati u shpjegoi gazetarëve dhe procesin e reformës në drejtësi, i cili sipas tij është një avantazh që Shqipëria e ka në krahasim me Serbinë dhe Malin e Zi.

?Ne po bëjmë diçka që shtetet anëtare nuk po e bëjnë?, shtoi Bushati, duke shpjeguar se kjo reformë ka mbështetje të gjerë, dhe është pozitive për mjedisin ekonomik. Dhe siç ka thënë dhe Komisioni, është një precedent për vendet e tjera në rajon.