"Gjenocidi ndaj qenve"/ Si i shfarosi Erion Veliaj

27 Prill 2018, 17:25, Aktualitet CNA

Prej disa ditësh, në opinionin publik, media dhe jo vetëm, ka shpërthyer një debat i ashpër, ku flitet për abuzime me detyrën me pasojë shfarosjen e qenve të rrugës nga Bashkia e Tiranës, përkundër fondeve që vjel për kujdesin ndaj tyre, si vaksinim, sterilizim dhe matrikulim.

Të shumta janë akuzat që ngrihen ndaj Bashkisë së Tiranës, ku emisionin investigativ “STOP”, denoncoi me zë dhe figurë sesi qentë kapeshin për tu vaksinuar, sterilizuar dhe matrikuluar, por në vend të kësaj gjenin dorën vrastare. Punonjësit e Bashkisë, u injektonin acid baterish apo i lagnin me ujë dhe më pas i godisnin me elektroshok, duke u marrë jetën. Kjo është mënyra që Bashkia e Tiranës ka zgjedhur për të vrarë qentë, ndonëse paguhet për kujdesin ndaj tyre.

Në këtë emision, aktivisti Sazan Guri, u shpreh se në Tiranë kanë qenë rreth 11 mijë qen, por tashmë nuk janë më shumë se 200-300 të tillë ndërsa pjesa tjetër, sipas tij, është shfarosur nga Bashkia.

Nga ana tjetër, kryetari i Bashkisë së Tiranës, Erion Veliaj, i ftuar në një emision televiziv, tha se në Tiranë janë rreth 15 mijë qen, të cilët kërkojnë kujdes mjekësor, vaksinim, sterilizim dhe matrikulim. Sipas tij një qen i kushton Bashkisë 50 euro përkujdesje në një ditë.

Pas publikimit të pamjeve nga “STOP”, Bashkia reagoi sërish ku shprehej: ?Montimi i pamjeve foto me video që mund të bëhet lehtësisht me kafshë të shtypura në rrugë nacionale nga aksidentet rrugore, nuk përkojnë as me punën e madhe të bërë nga Agjencia për Mbrojtjen e Konsumatorit për trajtimin e kafshëve të rrugës, të cilët, siç u pa edhe nga pamjet dhe intervistat e emisionit STOP në rrugë, janë matrikuluar e vaksinuar dhe gjenden lehtë në rrugët e qytetit?.

Bashkia thotë se, “Qentë endacakë, të cilët kapen nga punonjësit e trajnuar të AMK-së, dërgohen në klinikën veterinare, ku nën kujdesin e stafit veteriner, sterilizohen, matrikulohen dhe vaksinohen, për t?u lëshuar sërish në rrugë. Që prej vitit 2016, ky proces ka mundur të trajtojë me sukses rreth 5 mijë qen endacakë të qytetit.” Por përkundër pretendimeve të aktivistëve, Bashkia dhe AMK, nuk japin asnjë detaj lidhur me numrin zyrtar të qenve në rrugët e kryeqytetit.

Por përkundër kësaj që thotë Bashkia, edhe një tjetër denoncim ka mbërritur në redaksinë e CNA.al, që shprehet se qentë kapen me pretendimin për t’i vaksinuar, sterilizuar dhe matrikuluar, por ata shfarosen, dhe në Tiranë nga 11 mijë qen nuk ka më shumë se 500 të tillë, duke ngritur dyshimet se rreth 10500 qen janë vrarë.

Pra denoncimet faktohen me zë e figurë, ndërsa Bashkia reagon por nuk jep asnjë detaj. E vërteta duket sheshit, nëse dje në rrugë të Tiranës kishte qen të panumërt, sot gjen tek-tuk ndonjë. Ku janë qentë e tjerë, apo i shfaros Bashkia, e cila paguhet për tu kujdesur për to. /CNA.al

Bashkia shfaros qentë endacakë/ Tre aktet vrasëse të Veliaj

Veliaj: 50 euro në ditë për kujdes ndaj një qeni rruge

Shfarosja e qenëve endacakë/ Veliaj e mohon dhe akuzon STOP