Raporti alarmant/ Unioni i Gazetarëve nxjerr të palarat e mediave (Video)

27 Prill 2018, 15:25, Aktualitet CNA

Paraditen e sotme Unioni i Gazetarëve Shqiptarë (UGSH), nëpërmjet një konference shtypi ka publikuar një raport alarmant mbi diskriminimin dhe mohimin e të drejtave të gazetarëve në të gjithë vendin.

Lënda e këtij raporti mbështetej në të dhenat e terrenit të degëve që Unioni ka në të gjithë hapsirën e vendit dhe i referohej muajve të fundit. Është një praktikë risi që, sikurse komunikuan drejtuesit e UGSH, do të jetë prezente përgjatë vitit 2018 me raportimin çdo tre muaj.

Kryetari i UGSH-së, Aleksandër Çipës, duke referuar raportin tha se: ?Vetëm në 4 muajt e fundit 62 gazetarë kanë humbur vendin e tyre të punës pwr “kapriçio? tw punwdhenwsve, ndërkohë që një numër i konsiderueshëm reporterësh dhe punonjës të mediave nuk kanë marre pagën e tyre për muaj me rradhë.

Në mediat e Tiranës kanë lëvizur 45 gazetarë, tre raste të tilla kemi në Shkodër dhe po kaq në Gjirokastër. Po ashtu të përfshirë nga ky fenomen janë Lezha, Durrësi, Saranda, Vlora dhe Fieri me gjashtë gazetarë.

Ankesa për pagat e vonuara ka nga korenspondentët e mediave qendrore në Korçë. Gazetarët lokalë nuk paguhen rregullisht si korespondentë, kryesisht nga TV: Vizion Plus, Klan, gazeta Panorama Sport, ndërkohë që mediat lokale janë më të rregullta në këtë pikë.

Por të dhenat për paga të pamarra ka edhe nga Gjirokastra, Shkodra, Elbasani, Vlora.., raportoi Çipa duke paraqitur fakte të detajuara për situatën alarmante që sundon të gjithë qarqet e vendit.

Të tjera të dhena tw publikuara kishin në vëmendje mbylljen e mediave të “vjetra” dhe hapjen e atyre të rejave, si dhe proceset gjyqësore ndaj gazetarëve. Ku sipas raportimit tw UGSH: në Tiranë ka patur 13 raste seancash dhe procesesh gjyqësore ndaj gazetarëve, kryesisht për akuzat e shpifjes dhe prishjes së imazhit. Të tilla ka edhe në Gjirokastër, një rast dhe po kaq në Fier.

Duke reaguar mbi një politikë bojkoti, që disa pronarë mediash ushtrojnë ndaj organizatës që mbron të drejtën e gazetarëve, Aleksandër Çipa tha se kjo nuk është gjë tjetër por ?vetëm censurë? dhe i bëri thirrje gazetarëve që të mos vetëcensurojnë aktivitetet e UGSH-sw ku bëhet fjalë për mbrojtjen e të drejtave bazike të lirisë së shprehjes.

Në vijim të kësaj teme, Sekretari i Përgjithshëm i Unionit, z.Xhovan Shyti i adresoi një thirrje të gjithë gazetarëve që të jenë solidar dhe të kenë guximin të denoncojnë çdo shkelje të të drejtave të tyre ligjore.

Çipa i bëri thirrje BE-së dhe SHBA-së në Shqipëri që të jenë më të azhornuar në mbrojtjen e të drejtave të gazetarëve shqiptarë.

Konferenca e sotme vjen pasi më parë UGSH ka denoncuar punën e zezë në të cilën e ushtrojnë aktvitetin e tyre gazetarët, pjesa dërmuese e të cilëve janë kontigjent i më shumë se 700 portaleve./CNA.al