web counter
LEXO PA REKLAMA!

SHKARKO APP

App Store
Google Play

"Shoqëria shqiptare është në depresion"/ Ja cila është zgjidhja

24 Prill 2018, 18:36, Aktualitet CNA

Deputetja e Partisë Demokratike, Grida Duma, është shprehur mbrëmjen e sotme se shoqëria shqiptare është në depresion, e për këtë ajo tha se shkaktar është mungesa e shpresës.

Njerëzit tha Duma, mendojnë se meritokracia nuk vlen, por kjo nuk është e vërtetë dhe ky është shkaku i kësaj gjendjeje. Sipas Dumës, ne shkatërrohemi për shkak se nuk e shfrytëzojmë meritokracinë.

Më tej ajo tha se, “Më e tmerrshmja, është mungesa e statisfaksionit.

Vetja thërret, dhe unë ju siguroj si sociologe, se shoqëria shqiptare është në depresion, sepse arsyeja për tu ngritur në mëngjes shpesh mungon.”

Një zgjidhje e daljes së vendit nga kjo krizë, është oferta e së djathtës, që sipas saj është futja në punë e librit të verdhë të profesioneve.

“Sot duhen profesionistë, por çfarë ndodh në Shqipëri? Ka një masë të madhe emigrimi. Profesionet e vogla një pjesë e mirë e shqiptarëve i kanë përfituar në mënyrë vetjake duke punuar në Greqi apo Itali.

Por sot ata përfundojnë tek ushtari i panjohur. Pse ndodh? Sepse sot ende nuk ka një sistem që ata që kanë punuar 15 vite në një pozicion të caktuar, mbeten pa punë për shkak të mungesës së një kartoni

Libri i verdhë i profesioneve, do të ishte zgjidhja rregullatore e shtetit dhe do tu jepte mundësi të gjithëve që kanë aftësi që të mos të zhduken, por të kenë të mundur të dalin të barabartë në shtet.” /CNA.al





Lajmet e fundit nga