web counter
LEXO PA REKLAMA!

SHKARKO APP

App Store
Google Play

Rrahman Parllaku flet për Liri Belishovën

24 Prill 2018, 19:51, Aktualitet CNA

Rrahman Parllaku, ish-gjeneral i dënuar nga Enver Hoxha, është i ftuar mbrëmjen e sotme në semisionin ?Studio e Hapur? në News24.

Parllaku ka folur rreth vështirësive me të cilat u përball Liri Belishova në diktaturën e Enver Hoxhës.

Kujtojmë këtu se Liri Belishova, një nga ish-drejtueset më të larta të Partisë Komuniste Shqiptare, ndërroi jetë ditën e djeshme në mosshën 92-vjeçare.

Pjesë nga intervista:

Vasili: ?Çfarë simbolizon për ju Belishova??

Parllaku: ?Të flasësh për Belishovën, flet për një njeri që në moshën 15-vjeçare hyri në Luftën Nacional Çlirimtare, ku humbi edhe syrin e saj. Me inteligjencën dhe guximin e saj arriti të udhëheqë të rinjtë anti-fashistë në Luftën Nacional Çlirimtare. Të drejtoje rininë ishte një barrë e madhe. Liria pati një rritje brenda një kohë të shkurtër në detyrat e saj falë vendosmërisë dhe inteligjencës së saj?.

Vasili: ?Kjo nuk  e pengoi Hoxhën ta sulmonte??

Parllaku: ?Liria pësoi dy goditje, e para në vrasjen e Nako Spiros. Enveri manipuloi dokumentat dhe ja vuri gjithë fajin dikujt tjetër dhe vetë doli pafaj. E afroi Lirinë duke i thënë se Nako u vra si rezultat i ndërhyrjes europiane. Por kjo nuk e bëri Lirinë që të bëhej nënshtruese ndaj vendimeve të Enver Hoxhës. Ajo ruajti qëndrimin e saj, pati guximin ta thotë fjalën dhe të përballej me Enver Hoxhën për problemet e udhëheqjes së partisë. ?

Vasili: ?Enver Hoxha ja ka dalë të eliminojë të gjithë kundërshtarët?

Parllaku: ?Enveri donte nënshtrim. Persekutoi jo vetëm Lirinë, por të gjithë familjen e saj. Liria përballoi shumë vështirësi edhe mbijetoi. Lirinë nuk e lejuan që në momentet e fundit të ishte pranë vajzës së saj dhe t?i lagte buzët me ujë. Vdekja e vajzës së saj është goditja e dytë e fortë e Lirisë. Kjo është diktatura që nënshtroi Liri Belishovën?. /CNA.al





Lajmet e fundit nga