web counter
LEXO PA REKLAMA!

SHKARKO APP

App Store
Google Play

Lubonja tregon pse të këqijat e raportit të rremë të Brukselit janë më të mëdha sesa të mirat

24 Prill 2018, 19:02, Aktualitet CNA

?Pse të këqijat e raportit të rremë të Brukselit janë më të mëdha sesa të mirat që mund të sjellë ai nëpërmjet hapjes së negociatave? Pse, edhe në qoftë hartuar me synime të mira, në vend se inkurajim për mirë, ky raport dhe negociatat mund të sjellin një inkurajim për keq?? këto janë dy prej pyetjeve që analisti Fatos Lubonja, i ka shtjelluar në një opinion për gazetën ?Panorama?.

Lubonja ka thënë se në këto 25 vite Shqipëria nën drejtimin e kësaj klase politike, nuk ka bërë hapa para, ndërsa ka renditur tre arsye kryesore pse është i këtij mendimi.

?Së pari, ekonomia shqiptare, që ka qenë gjithnjë e dobët, informale dhe e lidhur me krimin, gjatë viteve të fundit është mbështetur, si kurrë ndonjëherë më parë, në paratë e krimit të organizuar.

Së dyti, mu për shkak të këtij fenomeni ekonomik, edhe politika shqiptare është bërë gjithnjë e më shumë përfaqësuese dhe menaxhere e interesave të krimit.

Së treti, si rrjedhojë e dëshpërimit që ka krijuar ky proces degradues, numri i shqiptarëve që ikin nga vendi është rritur dramatikisht vitet e fundit?,- shkruan Fatos Lubonja. /CNA.al

 





Lajmet e fundit nga