web counter
LEXO PA REKLAMA!

SHKARKO APP

App Store
Google Play

Çfarë ndodhi në prapaskenën e Këshillit Kombëtar të PD-së

23 Prill 2018, 19:47, Aktualitet CNA

Në lajmet e transmetuara nga mediat, si dhe nga sekuencat televizive, u duk sikur gjithsa u bë publike ishte ajo që ndodhi realisht në mbledhjen e Këshillit Kombëtar të Partisë Demokratike.

Gjithçka konsensuale, diskutime parimore dhe veprime statutore… Në të vërtetë përveçse kaq mbledhja ka patur edhe pjesën e hidhur të saj, prapaskenën, atë që ndodhi por që u fsheh të raportohej nga ata që kishin marrë detyrën prej Lulzim Bashës ta bënin këtë.

Për prapaskenën e Këshillit Kombëtar ka folur sot Edith Harxhi, ish-zvendësministrja e Jashtme në qeverinë Berisha dhe anëtarja e Këshillit Kombëtar të PD-së. E ndodhur në emisionin  “Tonight ” znj.Harxhi  ka zbuluar se në takim nuk ka patur një analizë, nuk u lanë kundërshtarët të shpreheshin, nuk u ….

“E para nuk ndodhi një analizë e përgjithshme për situatën ku është Partia Demokratike. Një analizë për humbjen e zgjedhjeve të vitit të kaluar, e cila duhet të ishte shteruese për Këshillin Kombëtar sepse ishte hera e parë që mblidhej pas 4 vitesh. Nuk u la mundësi një pjesë të kundërshtarëve që të diskutonin për sa i përket statutit. U kërkua të futej në rend dite të dyja pikat. Ka pasur edhe anëtarë të Këshillit Kombëtar dhe u larguan në mënyrë të rëndë. U kërkua nga anëtarë të partisë, zt.Imami, zonja Bushati dhe u kalua menjëherë në rend dite. Si përfundim, zt.Basha ra dakord në fund dhe u shprehën këto alternativa dhe natyrisht ato ranë”, ka artikuluar znj.Harxhi. /CNA,al





Lajmet e fundit nga