Biografia/ Liri Belishova, komunistja e devotëshme që u shpall armike e popullit

23 Prill 2018, 18:01, Aktualitet CNA

Sot është larguar nga kjo jetë Liri Belishova, një nga drejtueset kryesore të udhëheqësisë së Partisë Komuniste (të Punës), që nga vitet e para të krijimit të saj, por edhe e shpallur armike e popullit dhe Partisë për akuzën që i kushtoi dekada jete në internim.

Sepse e tillë është jeta e Liri Belishovës. Të njohur për brezat e lindur e të edukuar në periudhën e diktaturës komuniste edhe si udhëheqëse e admiruar edhe si armike e popullit dhe partisë.

Me kontribut aktiv në lëvizjen komuniste dhe luftën nacional-çlirimtare, më vonë Belishova ka qenë pjesë e anëtarësisë së lartë të Byrosë Politike dhe e Komitetit Qendror të PPSH-së, dy nga strukturat më të larta drejtuese të udhëheqësisë, deri ditën e ndëshkimit, në vitin 1960.

Lindi në Belishovë të krahinës së Mallakastrës në një familje të kamur të zonës.

Belishova u bashkua me Lëvizjen Nacionalçlirimtare të Shqipërisë dhe humbi një sy. Gjatë viteve 1946 dhe 1947 ajo ishte kryetare e Shqipërisë e Rinisë Popullore (Rinia Popullore). Vdekja e bashkëshortit të saj, Nako Spiru, në vitin 1946, një vetëvrasje e supozuar, çoi në shkarkimin e saj nga roli i saj dhe ajo u dërgua nga Tirana në Berat për të dhënë mësim.

Ka qenë vetëm 16 vjeç kur u pranua anëtare të Komitetit Qarkor të Rinisë Komuniste të Tiranës, pra edhe të Rinisë Antifashiste. Ndërsa një vit më pas iu besua drejtimi i të gjithë rinisë së kryeqytetit. Në moshën 18-vjeçare u bë anëtare e Komitetit Qendror të Rinisë Komuniste të Shqipërisë dhe pak më pas u gjend në Komitetin Qendror të Partisë Komuniste.

Kjo është Liri Belishova, që adoleshente në luftë humbi syrin, ndërsa pas lufte humbi titujt që mori, humbi vajzën Drita, por edhe dy bashkëshortë, Nako Spiron e Maqo Çomon.

Pas rehabilitimit të Nako Spirut, si rezultat i ndarjes Jugosllave-Shqiptare, më 1948, Belishova u rehabilitua gjithashtu dhe u bë anëtar i Politburove të Partisë së Punës të Shqipërisë nga viti 1948 deri më 1960

Humbi 31 vite jetë në internim dhe plot miq të saj. E arsimuar edhe në Bashkimin Sovjetik, nga njëra prej eksponentëve kryesore të LANÇ-it, anëtare e Byrosë Politike dhe e Komitetit Qendror të PPSH-së, ajo u përjashtua në vitin 1960 si ?armike e Partisë?, duke e internuar fillimisht në Gjirokastër dhe më pas në Cërrik e Mallakastër, deri në vitin 1991./CNA.al