web counter
LEXO PA REKLAMA!

SHKARKO APP

App Store
Google Play

Liberalizimi i vizave/ Ambasada gjermane hedh poshtë kryeministrin Haradinaj

20 Prill 2018, 14:58, Aktualitet CNA

Ndërkohë që kryeministri Ramush Haradinaj ka deklaruar sot se liberalizmi i vizave pritet të nddhë para nisjes së pushimeve të verës, tjetër qasje jep Ambasada gjermane në Kosovë.

Zyrtar të kësaj Ambasade në një përgjigje dhënë gazetës ?Zëri? duke folur për Raportin e Progresit për Kosovën, ka vlerësuar që ky raport flet për hapat që Kosova duhet të marr me qëllim që të integrohet në BE, por edhe për kushtet që duhet të plotësojë për liberalizmin e vizave.

?Raporti i Kosovës i Komisionit Evropian merr në konsideratë, në mënyrë të plotë dhe me kompetencë, përparimin e Kosovës në një numër fushash që janë relevante për rrugën e Kosovës drejt BE-së. Qeveria dhe parlamenti i Kosovës tani duhet të marrin një vështrim të afërt në gjetjet e Komisionit dhe të adresojnë problemet e identifikuara. Adresimi i tyre është vendimtar për Kosovën që të avancojë më tej në rrugën e saj drejt BE-së. Para së gjithash, është në interes të të gjithë qytetarëve kosovarë që shteti i tyre të përmirësojë performancën e tij, për shembull në sektorin e arsimit dhe të drejtësisë?, thuhet në përgjigjen e kësaj ambasade dhënë “Zërit?.

Ndërsa për procesin e liberalizimit të vizave për Kosovën, Ambasada Gjermane thotë që luftimi i korrupsionit dhe krimi i organizuar janë kriteret e mbetura për liberalizim.

?Kosova ka bërë një rrugë të gjatë në procesin e liberalizimit të vizave, duke plotësuar 94 nga 95 kritere. Regjistrimet për krimin e organizuar dhe korrupsionin tani janë kriteri i vetëm i mbetur. Ne shpresojmë që institucionet e Kosovës po punojnë shumë për të përmirësuar këtë histori, në mënyrë që Komisioni Europian së shpejti të mund të përmbushë këtë kriter të fundit si të përmbushur?, thekson  kjo ambasadë.





Lajmet e fundit nga