Mbledhja e Këshillit Kombëtar/ Zbulohet strategjia e Bashës kundër kritikëve

20 Prill 2018, 12:30, Aktualitet CNA

Sot pasdite pritet që Lulzim Basha të thërrasë Këshillin Kombëtar pas gati katër vitesh nga zgjedhja e tij.

Asnjëherë, në asnjë rast për asnjë arsye, edhe kur firmosi marrëveshje me Ramën, edhe kur bëri listat e deputetëve, edhe kur hyri apo doli nga çadra, dhe kur humbi zgjedhjet lokale e të tjera me radhë ai nuk e thirri kurrë Këshillin Kombëtar.

Por, sot për të shpëtuar nga turpi dhe skandali që ka përfshirë drejtimin e PD ?së prej tij, Lulzim Basha kërkon të shpëtojë dhe të kapet pas statutit.

Sot edhe dashnorët e statutit nuk kanë më shpresë, edhe ata që mendonin dhe gjykonin se ndryshimet statutore mund të garantonin një bashkim në Partinë Demokratike. Kjo edhe për një arsye, për shkak të asaj çfarë pritet të ndodhë në sot mbledhjen e Këshillit Kombëtar.

Lulzim Basha ka marrë të gjitha masat që të ketë nën kontroll audiencën mediatike, pra që të ketë nën kontroll çdo informacion apo lajm që do të dalë nga Këshilli Kombëtar, mënyrës sesi do shpërndahen dhe pikat e ndryshimit në statut. Është përgatitur një grup personash të cilët do të jenë të gatshëm ti përgjigjen çdo kritike apo reagimi ndaj Lulzim Bashës. Qëllimisht Basha me disa personazhe do të përpiqet të sillet si bashkues, duke kërkuar që dhe duke thënë se ai është dora e shtrirë e bashkimit të PD-së kundër Edi Ramës. Por në fakt në prapaskenë ka përgatitur disa nga qesharakët, kllounët e tij deputetë apo të tjerë të cilët pritet të reagojnë ashpër ndaj kritikëve të Lulzim Bashës, pse jo edhe duke nxitur tensione dhe përplasje, ashtu siç ka bërë shpesh Lulzim Basha edhe në mbledhjet e kryesisë.

Të gjitha skenarët të çojnë në një përfundim, Lulzim Basha është i vendosur, ai nuk e dorëzon karrigen e kryetarit të PD-së, karrige të cilen e rrëmbeu me vota të vjedhura, porn ë fakt është ajo karrige dhe ai personazh që I kanë shkaktuar një kosto katastrofike Partisë Demokratike që nga dita kur Lulzim Basha është zgjedhur kryetar që në ditën e parë, pra rreth pesë vite më parë.

Nga ana tjetër pritet që Basha dhe të tijtë, të dalin nëpër media dhe ndryshimet statutore ti shpallin si triumf si një vlerë, por në fakt ndryshimet statutore nuk janë asgjë tjetër, veçse garantojnë jetëgjatësinë e Lulzim Bashës në krye të PD-së. Nuk japin asnjë garanci se ai do të largohet nga ajo detyrë, qoftë edhe nëse humb zgjedhjet e ardhshme, nuk duket në asnjë rrjesht, në asnjë fjali deklarimi i Bashës se kryetari do të zgjidhej çdo dy vjet dhe do të kishte më shumë kompetenca në bazë. Kjo nuk është aspak e vërtetë. Tashmë Lulzim Basha ka përgatitur një statut, ku do të kontrollojë vetëm gjithçka.

Pra, nëse dje ka pasur një Këshill Kombëtar dhe një kryesi që vendoste, sot nuk ka më asgjë të tillë. Nga degët deri në qendër gjithçka do të vendoset prej Lulzim Bashës, duke përdorur justifikimin e një Këshilli, por gjithçka nën fshehjen dhe nën maskën se mund të jenë ndryshime statutore të cilat mbështeten në bazë dhe i japin kompetenca bazës, në finale këto janë vetëm gënjeshtra. Thuhet se në bazë gjoja do të çohen kompetencat, por në fakt personi që do të mbajë kompetencat do të jetë kryetari i partisë. Basha dhe vetëm Bashës i shtohen kompetencat me këto ndryshime statutore.

Prandaj ai edhe sot ka përgatitur disa nga skenarët e tij për të dalë në fund triumfues dhe për të çuar deri në pikën e fundit përçarjen përfundimtare të Partisë Demokratike dhe rrugën e saj drejt tretjes për shkak të një personi të vetëm, Lulzim Bashës si kryetar i saj./ CNA.al