web counter
LEXO PA REKLAMA!

SHKARKO APP

App Store
Google Play

Anëtari i Këshillit Kombëtar të PD, vë me shpatulla pas muri Lulzim Bashën

20 Prill 2018, 19:59, Aktualitet CNA

Anëtari i Këshillit Kombëtar të Partisë Demokratike, Armand Teliti, është ngritur në mbledhjen e zhvilluar sot dhe ka vendosur me shpatulla pas muri, kryetarin e kësaj partie zotin Lulzim Basha.

Teliti ka qëndruar në mbledhje deri sa janë diskutuar kompetencat e kryetarit dhe mandati i tij. Ai është ngritur dhe ka kërkuar fjalën, ku ka thënë se mbështeste një propozim të bërë pak kohë më parë nga Lulzim Basha, i cili thoshte se kryetari i partisë duhet të kishte një mandat dyvjeçar.

Kreu i PD-së është ngritur menjëherë dhe ka reaguar duke thënë se kanë qenë anëtarët e grupit të punës së ndryshimit të Statutit, të cilët e kanë penguar në bllok, që ky propozim të mos jetë. Edhe një herë Basha ka gënjyer duke thënë se ai kishte të gjithë vullnetin që mandati i kryetarit të ishte dy vite, dhe çdo dy vite të kishte zgjedhje, dhe është justifikuar me faktin se, ka qenë Riastani, Enno Bozdo apo Fatbardh Kadilli, që e kanë ndaluar që të ketë në Statut mandatin e tij dyvjeçar.

Më tej duke folur në Mbledhjen e këshillit kombëtar, zoti Teliti ka theksuar se kryetari i Partisë, duhet të dorëhiqet nëse humb zgjedhjet parlamentare, dhe kryetarët e degëve duhet të dorëhiqen në rastin e zgjedhjeve lokale.

Asnjëra nga këto nuk është pranuar dhe Basha vetëm ka justifikuar veten e tij, duke u fshehur gjithmonë pas Enno bozdos, Arben Ristanit, apo Fatbardh Kadillit. /CNA.al





Lajmet e fundit nga