web counter
LEXO PA REKLAMA!

SHKARKO APP

App Store
Google Play

Zbulohet doganieri dhe polici i përfshirë në trafikun e 4 kuintalëve drogës

20 Prill 2018, 17:28, Aktualitet CNA

Ditën e djeshme forcat e Policisë së Shtetit zbuluan dy makina në të cilat qenë fshehur 421 kilogramë lëndë narkotike e llojit hashash.

Gjetja e dy makinave me lendë narkotike u bë në Thumanë, ndërkohë që menjëherë pas këtij zbulimi policia nisi hetimet për të identifikuar autorët.

Pas një pune intensive operacionale në terren, agjentet e antidrogës ja dolën të identifikojnë personat e dyshuar si të lidhur me këtë ngjarje kriminale.

Njeri prej tyre u arrestua ditën e sotme nga Policia, si i dyshuar në përfshirjen e trafikut të 421 kilogramëve hashash. Policia tha se ai është Bernard Hamzai, rreth 40 vjeç.

Hamzai u arrestua nga policia në Fushë-Krujë, ku gjendej aktualisht, pasi, sikurse komunikon Policia: shumicën e kohës Bernard Hamzai jetonte në Turqi, vend në të cilin, sikurse plotëson “News 24”, u largua pasi u hoq nga puna si doganier në pikën e Kakavijës në vitin 2016.

Policia ka arritur të identifikoj edhe një tjetër person si bashkëpunëtor të Bernard Hamzait. Identitetin e tij, për arsye hetimi, policia nuk e bën të ditur veçse raporton se ai është O.S., efektiv i Komisariatit nr.2 të Policisë sëTiranës, Kapja e këtij të fundit ende nuk është bërë e mundur./CNA.al





Lajmet e fundit nga