web counter
LEXO PA REKLAMA!

SHKARKO APP

App Store
Google Play

E fundit!

x

Bashën e "braktis" edhe deputeti i tij

20 Prill 2018, 18:58, Aktualitet CNA

Klevis Balliu, deputeti i dalë nga lista Basha, djali i Fahri Balliut ish gazetarit të gazetës “Zeri i Popullit”, organ qendror i Partisë së Enver Hoxhës, nuk ka ngurruar ta “braktisë” kryetarin e tij, Lulzim Basha, në kulmin e përplasjes së tij me kritikët.

Edhe pse mbledhja e Këshillit Kombëtar të Partisë Demokratike vijonte punimet me intensitet të shtuar  dhe kryetari Basha gjendej nën sulmet e kritikëve të tij, që nuk e pranonin një statut ku përjetësohej kryetari i partisë, Klevis Balliu nuk ka hezituar ta braktisë mbledhjen, e ta lerë vetëm Lulzim Bashën.

Motivi që e shtyri Klevisin e Fahriut të ndërmarrë aktin aspak burrëror të lenies në baltë të kryetarit ka qenë pjesëmarrja e tij në emisionin “ByroPolitike” në televizionin ABC. Përballë tij ka qenë deputeti socialist Pjerin Ndreu dhe ish deputeti socialist mandat-hequr Alfred Peza.

Sigurisht duke qenë biri i Fahri Balliut. deputeti i Lulzim Bashës, nuk ka hezituar ta lerë vetëm këtë të fundit nisur edhe nga emri “ByroPolitike” i emisionit që përkujton forumin më të lartë të udhëheqësisë së kohës së Enver Hoxhës dhe nga i cili vareshin të gjithë gazetarët e “Zerit të Popullit”, respektivisht edhe babai i Klevisit, Fahriu, i shqueshëm për ti shërbyer me devotshmëri “Byrosë Politike” komuniste, njësoj si i shërben tani me devotshmëri Byrosë Politike të Lulzim Bashës./CNA.al





Lajmet e fundit nga