E fundit!

19:39 Aktualitet

"Rama jepe dorëheqjen"/ Diaspora proteston në Bruksel

Diaspora po zhvillon sot një protestë përballë godinës së ...

Si e rrëzoi Majlinda Bregu diplomacinë shterpë të Lulzim Bashës

18 Prill 2018, 12:32, Aktualitet CNA

Në 48 orët e fundit sërish media, politika dhe opinioni publik kanë kthyer vëmendjen tek integrimi i Shqipërisë në BE. Një nga aspiratat më të mëdha pas viteve ?90, që me shembjen e murit të diktaturës.

Dje dhe sot, në këto 48 orë në mediat kryesore në vend ka spikatur dalja e ish-ministres së Integrimit, Majlinda Bregu. E qartë dhe e saktë në gjithçka thotë, kritike e fortë e qeverisë, mosbesuese dhe akuzuese edhe për opozitën, Majlinda Bregu ka hapur letrat e procesit të integrimit dhe me kthjelltësi ju ka shpjeguar shqiptarëve se çfarë është ky proces, cilat janë përfitimet dhe çfarë rrezikohet.

Megjithëse Lulzim Basha prej pesë vitesh ndaj saj ka filluar një sulm frontal, sërish zonja Bregu ja doli të jetë zëri më i qartë i procesit të integrimit.

Sot nga PD me Mogherinin dhe për integrimin foli Edi Paloka dhe Tritan Shehu, i pari deputet militant, por krejtësisht jashtë linjës së integrimit, ndërsa Tritan Shehu është aq i besueshëm për integrimin sa ç’mund ta gënjesh një shqiptar duke i shitur preshin për djathë.

Në gati tetë vite ministre e Integrimit, më pas kryetare e Komisionit të Integrimit, por Lulzim Basha e sulmoi. Asnjëherë nuk bashkëpunoi dhe gjithmonë ndiqte këshillat që i jepte Tritani dhe Genc Pollo, ndonjëherë edhe broçkullat e Aldo Bumçit. Por sot dhe dje Basha pranoi atë që Majlinda i kishte thënë kohë më parë, arsyen për të cilen ai e përjashtoi.

Majlinda ja doli të dilte në breg e vetme dhe koha tregoi se i humburi ishte Basha dhe Partia Demokratike. Sot për integrimin dhe hapat diplomatike, PD ka Tritan Shehun dhe Genc Pollon, ndonjëherë edhe Aldo Bumcin, por në 48 orët e fundit u lexua qartë ajo që Basha nuk ka kuptuar, se përpara nuk ecet i rrethuar nga servila dhe të paaftë të cilën thonë atë që do ti. Koha këtë e tregoi si dështim të Lulzim Bashës.

E në rast se hyrja e Shqipërisë në BE ka dyshime, humbja e Lulzim Bashës sot më shumë se kurrë është e sigurtë./ CNA.al