web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive:"Dështojnë hetimet për Saimir Tahirin"/ Hajdarmataj i kundërpërgjigjet Ramës

18 Prill 2018, 11:28, Aktualitet CNA

Rasti i Saimir Tahirit e ka kthyer vëmendjen e qytetarëve, por edhe të politikës nga Krimet e Rënda.

Çështja ?Tahiri?, e ka ndarë politikën në dy kampe, pro dhe kundër ish-Ministrit të Brendshëm.

Opozita akuzon mazhorancën se po mbron Tahirin, por Kryeministri Edi Rama, ditën e sotme ka sulmuar Prokurorinë, duke i kërkuar të tregojnë fajësinë e Tahirit nëse kanë një provë të vetme.

Në një intervistë për CNA.al, kreu i Prokurorisë për Krimeve të Rënda, Besim Hajdarmataj, ka sqaruar se çfarë po ndodh me hetimet në rastin  ?Tahiri?.

?Sa i përket procedimit penal, në të cilin është nën hetim dhe shtetasi Sajmir Tahiri, vazhdojnë hetimet nga kjo prokurori. Këto hetime janë të shtrira jo vetëm në territorin e Republikës së Shqipërisë, por dhe në disa shtete te tjera. Lidhur me këtë të fundit, janë shkëmbyer në mënyrë reciproke disa prej të dhënave/provave të kërkuara.  Lidhur me zgjatjen e afatit të hetimit, është ndjekur procedura e përcaktuar në nenin 324 e vijues të Kodit të Procedurës  Penale?, ka thënë Hajdarmataj.

Më tej numri një i ?Krimeve të Rënda?, ka treguar se po presin përgjigjet e letër porosive për të dalë me rezultatet konkrete.

?Jemi  në pritje të përgjigjes së tyre zyrtare. Më tej do të vlerësojmë të dhënat dhe provat e përcjella në raport dhe harmoni me provat e tjera të mbledhura gjatë hetimit, për të konkluduar mbi rezultatin final të hetimit?, është shprehur më tej Hajdarmataj.

I pyetur se nëse hetimet për rastin  ?Tahiri?, dështojnë, kush duhet të japë llogari, Hajdarmataj ka zgjedhur të mos japë një përgjigje konkrete, pasi sipas tij, hetimet janë ende në vijim./CNA.al

 





Lajmet e fundit nga