web counter
LEXO PA REKLAMA!

SHKARKO APP

App Store
Google Play

Tallja e Lulzim Bashës me demokratët/ Si gënjeu për vizitën në Gjermani

18 Prill 2018, 09:09, Aktualitet CNA

Kryetari i Partisë Demokratike, Lulzim Basha prej ditës së djeshme ndodhet në Gjermani, ku ka zhvilluar takime me deputetët e grupit parlamentar gjerman CDU/CSU, dhe me anëtarët të Komisionit për Çështjet Europiane dhe të Politikës së Jashtme.

Në një lidhje live në rrjetet sociale ditën e djeshme, Basha tha se po lobon në Gjermani për hapjen e negociatave të anëtarësimit të Shqipërisë në BE.

? Detyrë e vështirë të bindim këtë komision për hapjen e negociatave, proces i cili do të jetë një mjet shtesë dhe presion për të rritur luftën kundër krimit, drogës, korrupsioni dhe për të mundësuar zbatimin e vërtetë të reformës në drejtësi, të pakapur politikisht.?- shkruante dje Basha në një postim në rrjetet sociale.

Basha tha se po lobon për rekomandimin, ndërkohë që raporti i KE që jepte dritën jeshile për Shqipërinë kishte dy ditë që ishte mbyllur.

Një fakt tjetër që nxjerr zbuluar Bashën para demokratëve, është edhe fakti se kancelarja gjermane Angela Merkel në vizitën që zhvilloi në Tiranë me 8 korrik 2015, Bashën nuk e ka takuar, as dorën nuk ka denjuar t?ja japë.

Basha thotë se ndodhet në Berlin për të bindur skeptikët për integrimin e Shqipërisë, por vendimi për integrimin e Shqipërisë merret nga ministri i Jashtëm Gjerman dhe kancelarja Merkel, ndërsa Basha shkon në një takim me deputetë gjermanë. Bën edhe video në celular me ta , ku as nuk i le të flasë dhe të prezantohen.

Në fakt video kishte vetëm një vlerë, cilësinë e saj dhe faktin që Albana Vokshit nuk i dridhej dora.

KE jep rekomandimin, ndërkohë që pritet ratifikimi dhe qëndrimi i vendeve anëtare të BE-së, Luli na tha se po punon me Kristian-demokratët sepse gjermanët ishin skeptikë.

Në fakt në 5 vite në krye të PD, Basha ka me Merkel vetëm një foto 10 sekonta në punimet e Kongresit të CDU-së, në Essen të Gjermanisë në dhjetor të 2016-ës, ndërkohë që kancelarja gjermane ka vizituar Shqipërinë dhe Bashën nuk ka denjuar ta takojë./ CNA.al





Lajmet e fundit nga