web counter
LEXO PA REKLAMA!

SHKARKO APP

App Store
Google Play

E fundit!

x

Ish-ministrja e Integrimit "shuplakë" Bashës/ Nuk vihet në pushtet duke bllokuar një ditë rrugët, dhe ditën tjetër...

18 Prill 2018, 14:56, Aktualitet CNA

Ish-ministrja e Integrimit, Majlinda Bregu, ishte e ftuar mëngjesin e sotëm në emisionin “7pa5” në Vizion Plus, për të folur rreth rekomandimit të Komisionit Europian për hapjen e negociatave për anëtarësim në BE të vendit tonë.

Në analizën e saj, Bregu u ndal edhe tek roli i opozitës, për të cilën ajo tha se ka një të padiskutueshëm në parlament, por sipas saj nuk mundet që për interesa personale të bëhen hapa pas në zhvillimin e vendit apo integrimin në strukturat evropiane.

Por pavarësisht rolit të saj në Parlament, Bregu është shprehur se nuk krijon besueshmëri tek qytetarët duke mos i dalë në mbrojtje asnjë shtrese. Më tej ajo ka goditur edhe aksionin opozitar të Lulzim Bashës, që sipas saj asnjëherë nuk është çuar deri në fund.

“Opozita ka një rol të padiskutueshëm në Parlament. Nuk mundet që për hir të agjendave partiake, ose as partiake jo e jo, por të individëve personalë, të individëve të caktuar, të cilët kanë një veshje dhe profil partiak të ketë gjithmonë hapa pas, jo vetëm në proceset e integrimit, sepse askush nuk e di sa do të zgjasë, por hapa pas për zhvillimin e vendit tënd. Është ndryshe një kauzë e nisur dhe e çuar deri në fund me një strategji të qartë për të dëmtuar dhe për të përmbysur një pushtet i cili është regresiv për qytetarët, dhe janë ndryshe masa dhe veprime të cilat nisin në një ditë të bukur dhe perëndojnë edhe para perëndimit të diellit. Këto nuk sjellin asgjë, përveçse krijojnë konfuzion, shtojnë kaosin, i bëjnë njerëzit të ndjehen të pasigurt, nuk i del dot në mbrojtje asnjë shtrese, e cila ka nevojë, akoma më keq e bën veten të përbuzshëm nga qytetarët të cilët nuk presin më dhe nuk kanë besim që hallin do t’ia zgjidhësh ti si opozitë apo politikë. Këtu pastaj krijohen problematikat në të cilat është krejtësisht e vështirë për të dalluar se cilët janë politikanët e mirë, apo një klasë politik, apo një parti politike, të cilët e çojnë vendin përpara, e zhvillojnë vendin, dhe të cilët kanë të zhvilluar instinktin dhe grintën e politikanit, sepse nuk vihet në pushtet duke bllokuar një ditë rrugët, dhe ditën tjetër duke blerë 5 thasë miell tek tregu ushqimor.”, – është shprehur Bregu. /CNA.al





Lajmet e fundit nga