web counter
LEXO PA REKLAMA!

SHKARKO APP

App Store
Google Play

Braçe shpërthen ndaj Bashës/ Sfidon atë dhe deputetët e tij: Injorantë, nëse...

10 Prill 2018, 15:40, Aktualitet CNA

Deputeti i Partisë Socialiste Erion Braçe, njëherësh kryetar i Komisionit Parlamentar të Ekonomisë, ka shpërthyer në akuza ndaj kreut të opozitës njëherësh kryetar i Partisë demokratike Lulzim Basha dhe deputetëve Aldo Bumçi dhe Flamur Noka.

I ftuar në studion e emisionit “45 minuta” të gazetarit Denis Minga në televizionin Report TV, u shpreh: “Ata janë injorantë, si llogaris fare ata.”

Po ashtu ai i ka sfiduar ata duke thënë se nëse Lulzim Basha, Aldo Bumçi apo Flamur Noka mund ta shpjegojnë skemën e TVSH-së, për të cilën u protestua sot dhe doli në rrugë me biznesin e vogël, atëherë ai do të jepte dorëheqje.

“Ata janë injorantë! S’i llogaris fare ata.

Nëse Flamur Noka do të shpjegojë skemën e TVSH-së, unë jap dorëheqjen. Nëse Lulzim Basha, i cili ishte atje sot, arrin ta shpjegojë dot skemën e TVSH-së unë jap dorëheqje. Merr Aldo Bumçin, nëse do ta shpjegojë dot skemën e TVSH-së, unë jap dorëheqje.”, tha Braçe, ndërsa shtoi se skema e TVSH-së është bërë jo për të luftuar biznesin e vogël, por për të luftuar fshehjen e biznesit të madh.

Braçe tha se 80% e atyre që sot protestuan nuk preken nga TVSH-ja, por sipas tij ka një mungesë komunikimi nga qeveria dhe bizneset nuk janë shpjeguar. /CNA.al





Lajmet e fundit nga