web counter
LEXO PA REKLAMA!

SHKARKO APP

App Store
Google Play

Protesta e biznesit të vogël/ Erion Braçe shuplakë qeverisë

10 Prill 2018, 15:23, Aktualitet CNA

Kryetari i Komisionit Parlamentar të Ekonomisë, Erion Braçe, është i ftuar në studion e emisionit “45 minuta” të gazetarit Denis Minga në Report TV, i ka dhënë një shuplakë qeverisë së tij lidhur me mungesën e komunikimit për TVSH-në e biznesit të vogël.

Sipas Braçes, nga ana e qeverisë ka një mungesë komunikimi edhe për rastin e pragut prej 2 milionësh për biznesin e vogël, gjë të cilën ai tha se ia ka thënë edhe kryeministrit Rama.

“Mungon komunikimi i qeverisë për TVSH-së së biznesit të vogël ashtu siç ishte me tarifën. Qeveria duhet të kishte shkuar me letër në dorë dyqan më dyqan e tu shpjegonte se çfarë do të ndodhte.”, tha Braçe, i cili tha se nëse kjo do të kishte ndodhur atëherë nuk do të ishte ky problem.

Sipas Braçes, “kjo skemë synon kapjen e biznesit të madhe e jo dëmtimin e të voglit. Shumica e bizneseve të vogla nuk do të përfshihen në skemë”. Braçe u shpreh se janë 10 mijë biznese të vogla, të krijuara nga këto të mëdhenjtë për të mënjanuar TVSH-në të cilat do të përfshihen në skemë. Braçe u shpreh se, “80% e atyre që sot morën pjesë në protestë nuk do të përfshihen në skemë”. /CNA.al





Lajmet e fundit nga