web counter
LEXO PA REKLAMA!

SHKARKO APP

App Store
Google Play

Sulmi kimik në Siri/ Trump shpërthen ndaj Asad: Kafshë!

8 Prill 2018, 18:49, Aktualitet CNA

Pas sulmit me armë kimike në Siri nga regjimi i Bashar Al Asadit, ka reaguar edhe Presidenti i Shteteve të Bashkuara të Amerikës, Donald Trump, i cili e ka cilësuar Asadin si kafshë, ndërsa ka kërcënuar Rusinë dhe Iranin për mbështetjen që i japin atij.

?Presidenti (Vladimir) Putin, Rusia dhe Irani janë përgjegjës sepse e mbështesin kafshën Asad. Do të paguajnë një çmim të lartë?, transmeton Anadolu Agency (AA).

Reagimi i Presidentit Trump ka ardhur nëpërmjet një postimi në rrjetin social Twitter në lidhje me sulmin me armë kimike me përmbajtje të gazit helmues ndaj qarkut Duma të Gutës Lindore, e cila ndodhet nën rrethimin e regjimit të Asadit në Siri, sulm nga i cili kanë humbur jetën të paktën 78 vetë.

?Shumë persona, përfshirë edhe gratë dhe fëmijët humbën jetën pas sulmit të pakuptimtë kimik. Rajoni është bllokuar nën presion dhe është rrethuar nga ushtria e Sirisë, dhe kjo ndërpren lidhjet e tyre me botën e jashtme. Presidenti (Vladimir) Putin, Rusia dhe Irani janë përgjegjës sepse e mbështesin kafshën Asad. Do të paguajnë një çmim të lartë?, shprehet Trump.

Duke theksuar nevojën e përfundimit sa më parë të rrethimit në rajon, Trump ka shkruar se ?Një tragjedi e re njerëzore e pakuptimtë. Sëmundje!?.

Në vijim ai ka hedhur kritika lidhur me politikën e Jashtme të ish-Presidentit Obama, pasi sipas tij, ?Po qe se presidenti Obama do të kishte zbatuar vijën e kuqe, fatkeqësia siriane do të kishte përfunduar shumë kohë më parë! Asadi kafshë do të bëhej histori?. /CNA.al





Lajmet e fundit nga