Ekskluzive/ Ndryshime drastike në qeverinë hije të Lulzim Bashës

8 Prill 2018, 17:00, Satire CNA

Lulzim Basha nuk mund të qëndronte pa qeverinë e tij hije, një model ky i përdorur gjerësisht në perëndim.

CNA.al, publikoi qeverinë e parë hije të Lulzim Bashës dy muaj më parë, por që atëherë e deri sot ka pasur shumë zhvillime, shumë prej emrave kanë rënë dhe kuptohet, që LSI kërkon më shumë nga torta e pushtetit, e cila do të jetë më e fortë se e para.

Pas protestave të fundit ndryshimet kanë qenë radikale. Dhurata Çupi, lëshon postin e Ministrit të Brendshëm, i cili merret nga Monika Kryemadhi, e cila do të mbajë edhe postin e Zv.Kryeministres.

Pas video-skandalit Salianji-GD, Ervini nuk do të jetë më ministër hije i Mbrojtjes, duke ia lëshuar këtë vend përfundimisht Gent Strazimirit. Video-skandali ka marrë në qafë edhe Grida Dumën, që pas përplasjeve me Berishën dhe mungesës së duartrokitjeve, maksimumi që mund të aspirojë është posti i një nënkryetarje partie për partneritetin.

Agron Shehaj ka vënë në diskutim postin e tij si ministër i Financave pas mungesës në protestën e tij fundit. Ai vend aspirohet nga Edmond Spaho. Shehaj shkon tek Integrimi, ndërkohë që Aldo Bumçi nuk e lëshon Ministrinë e Jashtme.

Tek Kultura, duket Shezai Rrokaj më i fuqishëm se kurrë. Preç Zogaj bie. Ndërkohë në Arsim, Vali Duka është pa rivale. Ministria e Drejtësisë pritet Enkelejd Alibeaj.

Ministër i Teknologjisë dhe Informacionit është studenti i shkëlqyer i universiteteve Britanike, Klevis Balliu. Tek Mjedisi bie Jamarbër Malltezi dhe LSI sjell Sazan Gurin.

Në Ministrinë e Diasporës, Ervin Salianji është në pikëpyetje, pasi rivalizohet nga Tritan Shehu. Ministër i Shëndetësisë pritet të jetë Nadire Meçorapi, e cila zëvendëson Flamur Nokën.

Kryetar Kuvendi do të jetë Genc Pollo, i cili ia lëshoi Ministrinë e Jashtme Aldo Bumçit. Tek Transportet dhe Infrastruktura, pritet Luan Baçi ndërsa tek Energjitika Enno Bozdo.

Ministër për Sipërmarrjen Floida Kërpaçi. Nënkryetar i Kuvendit pritet të jetë Kejdi Mehmetaj dhe Vangjel Dule i PBDNJ-së.

Për postin e Drejtorit të TVSH-së Artur Zheji ka një rival të ri, i cili ka mbështetjen e Petrit Vasilit. Ai është Andi Bejtja.

Arben Ristani dhe Fatbardh Kadilli pritet të jenë përkatësisht zv.Kryeministër dhe Ministër për Reformat dhe Zv.Kryeministër dhe Ministër për Pushtetin Vendor Ndërsa Astrit Veliaj pritet të jetë Ministër për Marrëdhënien me Parlamentin.

Në Ministrinë e Bujqësisë, bie Agron Duka dhe vjen Edi Paloka. Emërimi për Sekretar të Përgjithshëm i Kryeministrisë pritet të emërohet nga kunati.

Kryeministër: Lulzim Basha (part time).

Qani mos qeshni./ CNA.al

Më poshtë qeveria e parë hije e Lulzim Bashës:

Ekskluzive/ Zbulohet qeveria hije e Lulzim Bashës