web counter
LEXO PA REKLAMA!

SHKARKO APP

Vidhet autobuzi që shëtiti Kombëtaren e Futbollit

24 Qershor 2016, 16:26, Satire CNA

Ka zgjatur vetëm një ditë jeta e autobuzit me të cilën bëri shëtitje Kombëtarja. Sot ai është raportuar i shkatërruar.

Gazetari ynë investigativ Doshe Dragoti kishte shkruajtur dje, se ky autobuz do i dhurohej Kontigjentit të autobuzëve te Linjës së Kasharit. Kaq ka mjaftuar, që përsona të identifikuar nga Kamza, nga Linza, nga Selita, të ndodheshin sot në mëngjes te parkingu ku ishte lënë autobuzi.

Banoret e këtyre zonave donin ta kishin ata autobuzin e Kombëtares. Të pyetur nga gazetari ynë në terren, banorët thane që e donin këtë autobuz  jo për kujtim, por për arsye se edhe në ato linja urbani, autobuzët nuk kanë kondicionerë dhe ky autobuz duke qënë i hapur do i ndihmonte pasagjerët.

Aty pati debate të ashpra dhe më pas përleshje edhe më të ashpra, se kush nga lagjet do e kishte fatin ta merrte urbanin. Në vendngjarje mbriti edhe lali Eri, Kryetari i Bashkisë i cili siguroi se brenda mandatit të tij te dytë cdo linjë urbane do kishte autobuzë, në mos me kondicionerë, do i kishte si ky të hapur.

Për mos t’u zgjatur. Pas zënkave dhe marrjes së pjesëve të autobuzit nga njerëzit, gjendja e tij tashmë është kjo.





Lajmet e fundit nga