web counter
LEXO PA REKLAMA!

SHKARKO APP

App Store
Google Play

Koço Kokedhima: Dua të pleqëroj me Edin, por me kushtin që...

17 Qershor 2016, 14:01, Satire CNA

Sic edhe e keni vënë re, është e disata herë që Koço i del kundër Edit. Kjo e fundit kur Koço tha që, reforma në drejtësi të miratohet me sugjerimet e opozitës, është vetëm maja e ajsbergut. Por c’fshihet në të vërtëtë?

Gazetari ynë investigativ Doshe Dragoti, ka bërë të mundur të zbulojë arsyen kryesore që qëndron pas kontradiktave të fundit të z.Kokedhima me z.Rama. Dhe ajo si përherë është; Paraja. Ju e mbani mend deklaratën e z.Berisha kur thoshte; “Edi do pleqerojë me Kocon”. Kjo e ka tmerruar z.Kokëdhima.

Një pleqërim i tij me Edin, do të thotë që Koco të ndajë pasurinë që zotëron, me bashkë-pleqëruesin. Sic dihet Koço është një biznesmen dhe paratë i ka të deklaruara. Imagjinoni një milioner të ndajë pasurinë me një politikan fukara me rrogë. Asnjë s’do ta donte këtë gjë. Koço ka frikë se Edi, me reformën ne drejtësi do fusë një nen të veçantë, ku do thuhet; Dy persona që pleqërojnë me njeri tjetrin janë të detyruar të ndajnë pasurinë.

Ndaj Koço godet Edin, që ky i fundit mos të marrë vendimin për të pleqëruar me të. Fundja Edi le të gjeje biznesmen-deputet tjetër për të pleqëruar. Në PS ka plot të tillë. C’kusur ka Koço… Ai kështu shpëton gjysmën e pasurisë së tij. Koço ja ka bërë të qartë; Unë pranoj të pleqëroj me Edin, vetëm nëse nuk do ndahet pasuria ime./Satirë politike





Lajmet e fundit nga