web counter
LEXO PA REKLAMA!

SHKARKO APP

App Store
Google Play

Salianji: Ç'punë kam unë që prishen njerëzit në publik

15 Qershor 2016, 11:52, Satire CNA

Përpara disa orësh i madhi i të mëdhenjve të PD-së, z.Salianji shkoi të stadiumi Qemal Stafa dhe prej aty deklaroi për aferën korruptive të ndërtimit të tij, nga qeveria. Aparati ynë i përgjimit bëri te mundur atë që ndodhi përpara. Z.Enno, me 2n, ishte pranë stadiumit që po prishej. Në ato momente telefonon Salianjin.

-Alo Salianjo, Enno me dy “n” jam. -Kush? Eno Popi…

-Jo, jo Enno Bozgo.

-Kujtova se ishte Eno Popi nga Top-i, që ‘ia bëfsha topin, se vajti ca kohë s’më ka ftuar te emisioni i mëngjesit. Po hë përse më more, Enno?

-Salianjo. Po prishet Qemol Stafa. Besoj se e ke marrë vesh.

– Kush është ky Qemoli, nuk e njoh. Ku po prishet?

-Këtu te stadiumi jam unë…

-Po c’pune kam unë që prishen njerëzit. Pastaj është e drejta e tij. Une jam liberal, si Henri Cili. Njeriu ka jetën e tij. Të prishet, të bëjë c’të dojë. . Do ketë parë ndonjë cupë të bukur aty rrotull dhe ndaj. Lajmëro policinë Bashkiake, se ata merren me kush shurros dhe kush prishet në vende publike, Enno.

-Po të them; po prishet stadiumi. Stadiumi mban emrin Qemol Stafa. Kupton Salianjo?

-Po ketë të më thoshe bre byrazer. Që po prishet stadiumi. Kush po e prish?

-Qeveria pra. Hajde dhe jep ndonjë deklaratë.

-Mirë po vij, por më oriento pak ku është stadiumi, se s’ka, qenë ndonjëherë. (pas një ore duke bredhur nëpër Tiranë të gjente stadiumin, z.Salianji arriti dhe doli përpara kamerave duke deklaruar kundër prishjes së Qemal Stafës. Të stadiumit, kuptohet…





Lajmet e fundit nga