web counter
LEXO PA REKLAMA!

SHKARKO APP

App Store
Google Play

Në PS nis mbledhja e lekëve për te blerë deputetet e opozitës

21 Qershor 2016, 14:31, Satire CNA

Ka nisur sot në orën 12 e pak paradite, grumbullimi i parave që do përdoren për të blerë deputetët e PD. Lajmi bëhet i ditur nga burime të sigurta brenda nga jashtë selisë së PS-së. Mbledhjen, e mbledhjes së fondeve e drejtoi zonja Leskaj.

Në fjalën e saj të mbledhur në pak rreshta, ajo ja u mblodhi dhe ja u bëri rrup-sup, deputetëve të pranishëm. Pasi rregulloi xhaketën dy mijë euroshe, ajo tha; “Jemi sot këtu për të mbledhur lekë për të blerë deputetët e PD, që nuk pranojnë ta votojnë “Reformën në Drejtësi”. Shokë dhe shoqe! Sa më shpejt ta bëjmë këtë gjë, aq më mirë është për ne. Ndryshe ata të opozitës do na rrisin pazarin, e kjo është në të keq të xhepave tanë. Po e filloj unë e para. Po hedh në kuti disa milionë, që i kam hequr me mund nga të ardhurat e punës së fëmijëve në hekurudhën Fier-Ballsh.”

Më pas fjalën e mori deputeti Abazi i cili edhe ai evidentoi rëndësinë e këtij akti. Vetë zoti Abazi u afrua pranë kutisë ku mblidheshin fondet dhe pasi hodhi një shumë që ne nuk mundëm ta mësojmë se sa ishte, thirri; Rroftë e majta shqiptare, me neve të pasurit në krye!”

Pas z. Abazi fjalën e mori deputeti Koco Kokëdhima i cili u shpreh; “Unë personalisht nuk jap asnjë kokërr leku, apo monedhë tjetër. Jo se s’dua të jap, por nuk jam mësuar t’i hedh në kuti. Unë po i dhashë, di kujt t’ia jap. Kur i hedh në kuti, më duket sikur jap për bamirësi, ndërkohë që unë asnjëherë s’e kam bërë këtë gjë.”

Në kohën që fjalën e kishte z. Kokëdhima, nga salla ka dalë jashtë deputeti Tom Doshi, i cili para se të ikte, tha; Unë s’jap më lekë se i kam dhënë në 21Janar. Mbledhja për mbledhjen e parave për të blerë deputetë të opozitës, vazhdon ende./Satirë politike

 





Lajmet e fundit nga