web counter
LEXO PA REKLAMA!

SHKARKO APP

App Store
Google Play

Mosha ideale për t'u martuar ka ndryshuar: Çfarë i tremb kaq shumë të rinjtë?

27 Mars 2018, 14:40, Lifestyle CNA

Nëse ka diçka të sigurtë në këtë botë përveç vdekjes dhe taksave është pyetja e gjysheve: ?Kur do të martohesh??

E ke dëgjuar kaq shumë për vite me radhë sa tani e kalon duke qeshur pa thënë asnjë gërmë. Por në fakt, cila do të ishte mosha ideale për tu martuar? Gjyshet të na falin, por në të 20-at, sigurisht që jo.

Ndonëse të rinjtë e sotëm shprehin dëshirën për të krijuar një familje të tyren, dita duket të jetë shumë e largët. Sipas të dhënave të fundit, mosha mesatare e martesës është më e larta që është parë ndonjëherë në histori.

Në 2017-ën, mosha mesatare në të cilën gratë i jepnin fund beqarisë ishte 27 vjeç. Ndërsa djemtë, 29 vjeç. Në Shtetet e Bashkuara gjatë viteve ?90-të vajzat martoheshin rreth moshës 24, e ndërsa në vendin tonë mosha mesatare ka qenë 20-ta.

Por përse fëmijët e lindur në ?90-ën zgjedhin të presin?

Një nga argumentat më të shpeshta është se të rinjtë e sotëm duan të arrijnë gjithë objektivat e tyre gjatë të 20-ve dhe duan të eksplorojnë sa më shumë të jetë e mundur bashkë me partnerin. Ekspertët e lidhjeve thonë se marrëdhëniet tani shihen më shumë si për çlodhje se sa të orientuara nga një qëllim i përbashkët.

Madje, edhe nëse do një lidhje serioze në këtë moshë, ata thonë se është tepër e vështirë që ajo t?i rezistojë kohës.

Një tjetër arsye është bashkëjetesa. Ti mund të jesh në një lidhje të gjatë, jeton me partnerin tënd dhe nuk e ndjen aspak nevojën urgjente për tu martuar apo bërë fëmijë.

Ana financiare është gjithashtu një tjetër pengesë që ka shtyrë moshën e martesës. Të rinjtë ndjehen gjithnjë e më të pasigurtë për të marrë përsipër përgjegjësi.

A është një martesë e vonë diçka pozitive?

Dëgjojmë shpesh të thuhet se mosha është thjesht një numër. Ajo çfarë vërtetë vlen për një martesë të suksesshme është çfarë ke bërë ti gjatë viteve të beqarisë!/CNA





Lajmet e fundit nga