web counter
LEXO PA REKLAMA!

SHKARKO APP

App Store
Google Play

E fundit!

x

Fëmijët e VIP-ave shqiptarë të privilegjuar që të vegjël: Ja cilët prej tyre ecin me karroca 1200 euroshe!

27 Mars 2018, 08:30, Lifestyle CNA

Mjaftoi një intervistë e Zaimna Vasjarit në ?Xing me Ermalin? ku kishte marrë me vete edhe karrocën e vogëlushes Khloe që portalet të ?shpërthenin? nga lajmet me gjetjen e çmimit të karrocës që për hir të së vërtetës dukej mjaft luksoze.

Me një kërkim të thjeshtë në ?Google? do të shihni se në fakt karroca e vogëlushes së Zaiminës kushton rreth 1200 euro dhe ka opsione nga më të ndryshmet çka ia bëjnë më të lehtë kujdesin mami Zait për të voglën e saj.

Por vumë re se kjo karrocë luksoze nuk është vetëm e Khloe-s sepse edhe fëmijë të VIP-ave të tjerë shqiptarë qarkullojnë aktualisht (ose kanë qarkulluar pak vite më parë) pikërisht me të njëjtën firmë karroce si ajo që kishte zgjedhur Zaimina për të voglën e saj.

Majlinda, ish partnerja e reperit Majk ka postuar një foto në Instagram ku shihet të shëtisë Roanin e vogël i cili gjendet i rehatuar brenda karrocës 1200 euroshe por me një ndryshim të vogël, ajo ka zgjedhur ngjyrën e bardhë për të voglin e saj.

Një tjetër çift simpatik shqiptar që ka zgjedhur sërish këtë karrocë janë edhe Sinan Hoxha e bashkëshortja e tij Andrra të cilët kanë menduar se një karrocë e tillë do të ishte perfekte për rritjen e shëndetshme të Ansit të vogël (plus që edhe mamatë duken më bukur kur shëtisin fëmijët e tyre me këto karroca të bukura, apo jo?) .

Ndërkohë dy versione pak më të vjetra të të njëjtës markë karroce kanë përdorur për vogëlushët e tyre edhe çifti Nora Istrefi e Robert Berisha si dhe Tuna me Patrisin. S?do shumë mend që Nora do ketë pasur një eksperiencë shumë të mirë me këtë karrocë komode teksa ka rritur Renee-n ndaj dhe ia ka rekomanduar kunatës së saj, Tunës, për të rritur më së miri Tianin e vogël.

Edhe karrocat e fëmijëve, njësoj si makinat me të cilët të rriturit qarkullojnë, tregojnë një farë statusi ndaj edhe këto karroca janë të shtrenjta jo vetëm prej opsioneve komode që ato përmbajnë por edhe prej pamjes luksoze dhe emrit prestigjoz që i qëndron nga prapa. Dhe ju e dini, ku ka prestigj e luks prindërit shqiptarë janë menjëherë të gatshëm të investojnë. Por në fund të fundit, kur mundësitë ekonomike ekzistojnë: përse jo?/CNA





Lajmet e fundit nga