web counter
LEXO PA REKLAMA!

SHKARKO APP

App Store
Google Play

E fundit!

x

Pronat në bregdet/ Gjonaj sqaron vendimin e Qeverisë

26 Mars 2018, 11:07, Politikë CNA

Ministrja e Drejtësisë, Etilda Gjonaj ka sqaruar vendimin e Qeverisë të datës 14 për pezullimin e përkohshëm të procedurave të kalimit në pronësi të tokave në zonat me rëndësi. Në një deklaratë për mediat, ministrja Gjonaj tha se ky vendim nuk ka si qëllim të bllokojë pronarët e ligjshëm, por vetëm abuzuesit.

?Ky proces i nisur në vitin 1991 me ligjin 7501, rezultoi në shumë raste me abuzime nga funksionare shtetërore, vetëm e vetëm me qëllime përfitimi. Ata kanë ndarë dhe përvetësuar si toka kooperative e bujqësore, territore që kanë qenë toka bregdetare. Janë darë ligatinat, moçalet, dhe tokat e ultësirën. Është vepruar mbi prona që kanë qenë jetë e mot toka shtetërore. Ndaj vendimi i qeverisë për pezullimin e përkohshëm të procedurave të kalimit në pronësi të tokave në zonat me rëndësi, do të vijojë deri në verifikimin e tyre. Dhe ky vendim nuk ka si qëllim të bllokojë pronarët e ligjshëm, por vetëm abuzuesit?, tha ministrja e Drejtësisë.

Gjithashtu Gjonaj tha se rëra dhe plazhet e kthyera në tokë bujqësore nuk mund të regjistroheshin.

?Duke i lejuar do bëheshim bashkëpunëtorë të krimit, dhe do lejonim realizimin e këtij qëllimi?- u shpreh ministrja Gjonaj.

Ndër të tjera, ministrja Gjonaj theksoi se kjo VKM nuk pengon kthimin e pronës tek pronarët sikurse pretendon opozita, por  synon pikërisht që prona ti kthehet pronarëve dhe jo shkelësve të ligjit.

Gjonaj tha se Task Forca e ngritur nga qeveria, në bashkëpunim me Policinë e Shtetit dhe Prokurorinë, do të hedhë dritë mbi abuzimet e bëra dhe do të ndihmojë në ndëshkimin e abuzuesve të çdo niveli./ CNA.al





Lajmet e fundit nga