web counter
LEXO PA REKLAMA!

SHKARKO APP

App Store
Google Play

“Kullat” shqetësojnë Salianjin/ Deputeti demokrat dyshon se po pastrohen para

26 Mars 2018, 10:14, Politikë CNA

Deputeti demokrat Ervin Salianji në Komisionin e Sigurisë, ka parashtruar disa pyetje kundrejt drejtorit të parandalimit dhe pastrimit të parave, Arlind Gjokutaj, i cili po raportonte për punën e vitit 2017.

Sipas Salianjit, aktiviteti kriminal për paratë e pista ka qenë në rritje, ndërkohë që veprimtaria e Drejtorisë së Parandalimit të pastrimit të parave ka qenë e njëjtë.

Salianji këmbëngul se ndonëse nuk ka kreditim nga bankat, ka një bum të madh ndërtimesh në Tiranë, të kullave dhe ndërtesave në qendër të Tiranës.

?Keni pas ndonjë hetim a verifikim, kush i ndërton si ndërtohen dhe nga vijnë paratë?, ka pyetur Salianji, Gjokutajn.

Deputeti demokrat është shprehur i pakënaqur me punën e drejtorisë së parandalimit të pastrimit të parave.

?Keni nevojë për më shumë mjete, bashkëpunim për të pasur rezultate më të mira, sepse hedhja në qarkullim e parave të pista është një prej problemeve  më të mëdha që ka Shqipëria? ka  thënë Salianji duke u ndalur më tej tek financimi i terrorizmit, apo përdorimi i parave të drogës në ekonomi.

?Dua t?ju pyes, se ka pasur një lëvizje të madhe të parave gjatë fushatës elektorale, 15 ditë para apo  gjatë fushatës,  mbi 300 milion euro janë tërhequr nga bankat. A i keni verifikuar? Fitimet nga droga dhe kanabisi arrijnë në 5 miliard euro në Shqipëri. A ka pasur politikanë të verifikuar për pastrim parash, nëse është sekret mund ta ndajmë më vonë?, ka pyetur më tej Salianji./CNA.al





Lajmet e fundit nga