E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Shkodra nën pushtetin e ujit/ FA në ndihmë të banorëve, ja si paraqitet situata

20 Mars 2018, 10:07, Sociale CNA

Reshjet e vazhdueshme të ditëve të fundit kanë sjellë përmbytje në shumë qarqe, ndërsa situata më problematike paraqitet në qarkun e Shkodrës.

Një numër i madh efektivësh të FA-ve ndodhen në terren në ndihmë të banorëve.

Sipas Ministrisë së Mbrojtjes në Bashkinë e Shkodrës rreth 157 banesa kanë prezencë uji dhe 9 shtëpi janë të përmbytura. Në zonën e Livadheve janë të përmbytura 80 ha.

Kampi i romëve pranë Prokurorisë Shkodër është i përmbytur. Bashkia Shkodër ka zhvendosur fëmijët në Qendrën Komunitare nr. 4. Ndërkohë në bashkëpunim me Forcat e Ushtrisë, me dy kamionë është bërë evakuimi i të rriturve në strehimin përkatës në Bërdicë.

Me ndihmën e Forcave të Ushtrisë po merren masa për forcimin e argjinaturave. Nga DRMSH janë dërguar rreth 5000 thasë me rërë të cilët po përdoren për forcimin e argjinaturave.

Njësia Administrative Dajç: janë mbi 940 ha tokë e përmbytur.
Në fshatin Shirq janë të bllokuara nga uji 28 familje, në fshatin Mushan 4 familje dhe në fshatin Darragjat 4 familje. Në 3 banesa ka prezencë uji.

Është kërkuar të ndërhyhet për lartësimin e argjinaturës së Pentarit dhe është bërë ndërhyrje e përforcimit me thasë më rërë.
Njësia Administrative Ana Malit: Mbi 1200 ha tokë janë të përmbytura. Në Obot kalohet vetëm me varka. Rrugët e fshatit Goricë janë të pakalueshme për automjetet. Në 3 banesa në Obot, 7 banesa në Muriqan dhe 4 banesa në lagjen Gallube ka prezence uji.

Njësia Administrative Bërdicë: janë mbi 530 ha tokë të përmbytura.
Njësia Administrative Velipojë: janë mbi 100 ha tokë të përmbytura.
Njësia Administrative Rrethina: janë 70 ha tokë të përmbytura.

Janë evakuuar 5 familje me 23 banorë. Gjithashtu janë transportuar nga fshati Obot për në Oblikë 65 banorë nga këta 50 nxënës dhe 15 banorë. Nga Ministria e Mbrojtjes janë dërguar 18 ton koncentrat dhe 5 mijë thasë për përforcimin e argjinaturës në Pentar si dhe 500 pako ushqimore.