web counter
LEXO PA REKLAMA!

SHKARKO APP

App Store
Google Play

E fundit!

x

Përmbytjet në Shkodër/ Forcat e Armatosura me motobarka në ndihmë të banorëve

18 Mars 2018, 17:15, Sociale CNA

Forcat e Armatosura të Shqipërisë vijojnë prej disa ditësh angazhimin për përballimin e përmbytjeve në disa fshatra pranë brigjeve të lumit Buna në Bashkinë e Shkodrës.

Efektivët e batalionit të parë të këmbësorisë (b1k) në Vaun e Dejës kanë qenë kryesisht të përqendruar në fshatin Obot të njësisë administrative Ana e Malit në Bashkinë e Shkodrës, niveli i lartë i ujit e ka bërë të pakalueshme për mjetet e ulëta rrugën që lidh fshatin me qendrën e njësisë administrative dhe qytetin.

Mjetet e larta të Forcave të Armatosura kanë ndihmuar lëvizjen e banorëve duke bërë të mundur transportimin e tyre për në rrugën kryesore dhe nxënësve për në shkollë.

Në ndihmë të banorëve të fshatit Obot, kanë ardhur edhe efektivët e batalionit të mbështetjes rajonale (bmr) të Komandës Mbështetëse, të cilët kanë vënë në dispozicion edhe 3 mjete lundruese.

Gjithashtu, efektivët e Forcave të Armatosura në bashkëpunim me prefekturën e Shkodrës kanë bërë shpërndarjen e pakove ushqimore dhe ujit të pijshëm në fshatrat e prekur nga përmbytjet në njësitë administrative Ana e Malit dhe Dajç.

Efektivët dhe mjetet e b1k dhe bmr vijojnë të mbetën në terren duke ndihmuar lëvizjen e banorëve në akset e pakalueshme nga mjetet e ulëta dhe po monitorojnë nga afër situatën deri në përmirësimin e plotë të saj.





Lajmet e fundit nga